Video is one of Kodao’s core programs. Watch our newsreels, documentaries and livestreams here.

Pagtatakip ng gubyerno sa paglabag ng karapatang pantao, kinondena

Sa pagharap ng ilang representante ng gubyerno, militar at pulis sa isinasagawang public inquiry ng Commission on Human Rights (CHR), nagdaos ng kilos protesta ang mga human rights advocates sa pangunguna ng KARAPATAN National upang pabulaanan ang pagtatakip ng pamahalaan sa maraming paglabag sa karapatang pantao sa bansa. (Arrem Alcaraz/Kodao)

Commission on Human Rights, Quezon City

September 12, 2019

Inhustisya ng gubyerno, binatikos ng mga aktibista

Isang kilos-protesta ang isinagawa ng mga grupo ng kabataan at iba pang organisasyon noong Setyembre 10, 2019 laban sa kawalang hustisya sa ilalim ng gobyerno ni Pangulong Rodrigo Duterte. Idinaos ito sa harapan ng Department of Justice kasabay ng Preliminary Investigation laban kina Atty. Neri Colmenares at iba pang lider kabataan na sinampahan ng kaso.

Panawagan nila na ibasura ang kaso laban kina Colmenares sa paniniwalang isa itong panggipit laban sa mga kabataan at progresibong lider.

Binatikos naman nila ang tila kawalang hustisya at pagpabor ng gobyerno sa mga mayayaman. Inihalimbawa nila ang katiwalian sa Bureau of Corrections at naudlot na pagpapalaya sa dating mayor na si Antonio Sanchez, gayundin ang laganap na “GCTA (Good Conduct Time Allowance) for Sale” sa mga drug lord, rapist at mamamatay tao.

Kinundena rin nila ang patuloy na Oplan Tokhang at militarisasyon ng mga komunidad. (Music: News Background Bidyo ni: Joseph Cuevas/ Kodao)

Araw ng mga Desaparecido ginunita sa isang pagtitipon

Muling inalala ng mga kaanak at grupong Desaparecidos ang International Day of the Disappeared sa isang pagtitipon sa Our Mother of Perpetual Help Church sa Baclaran, Parañaque City noong Agosto 30. Sigaw nila ang patuloy na katarungan sa mga biktima ng sapilitang pagkawala.

Sumulat sila kay United Nations Human Rights High Commissioner Michelle Bachelet upang humingi ng tulong sa kaso ng mga desaparecido sa bansa. Si Bachelet ay dating political prisoner sa Chile at lumaban sa gobyernong Pinochet noong dekada 70.

Umapela rin sila sa gobyerno ni Pangulong Duterte na huwag tanggalin ang mahigit 600 kaso ng desaparecidos na nakatala ngayon sa UN Working Group on Enforced or Involuntary Disappearance.

Music: News Background / Bidyo ni: Joseph Cuevas/ Kodao

‘Ang pagpapalaya kay Sanchez ay panggagahasa sa ating lahat’

Nakisama sa rali noong Biyernes sa Department of Justice sa Maynila ang mamamahayag na si Bum Tenorio. Ayon sa kanyang kwento, nakita niya dalawampu’t anim na taon na ang nakakaraan, ang bangkay ni Aileen Sarmenta noong natagpuan ito sa bayan ng Calauan, Laguna.

Panoorin ang bahagi ng talumpati ni Tenorio sa kilos protesta sa sinasabing posibleng pagpapalaya sa naggahasa at nagpapatay kay Sarmenta at hindi bababa sa tatlo pang biktima na si dating Calauan mayor Antonio Sanchez.

KODAO ASKS: Bakit ka sumama ngayon sa Pambansang Araw ng Pagluluksa at Protesta para sa Negros?

Noong Agosto 20, idinaos ang pambansang araw ng pagluluksa at protesta para sa nangyayaring karahasan sa isla ng Negros.

Tinanong ng Kodao Productions ang ilan sa mga nakiisa sa protesta sa Mendiola at Liwasang Bonifacio sa Maynila at ito ang kanilang mga naging sagot.

Pamamaslang sa Negros, ipinanawagang itigil

Libo-libong mamamayan ang nagmartsa patungong Liwasang Bonifacio noong Martes, Agosto 20, upang kondenahin ang walang habas na pamamamaslang sa isla ng Negros mula noong inilabas ng gubyernong Rodrigo Duterte ang Memorandum No. 32 na anila’y may sala sa mga kamatayan.

Ipinag-utos ni Pangulong Duterte ang pagpapadala ng mas maraming sundalo sa Negros, gayundin ang pagsugpo sa New People’s Army sa isla. Subalit, ang mga magsasaka, bata, abogado, lingkod bayan, kababaihan, at iba pang mahihirap ang anila’y biktima ng militarisasyon.

‘Mabining Mandirigma’ restages at CCP

The Cultural Center of the Philippines stages the award-winning steampunk musical ‘Mabining Mandirigma’. It is produced by Tanghalang Pilipino, the resident theater company of the CCP..

First staged four years ago, it is Tanghalang Pilipino’s 33rd season opener. It runs from August 16 to September 1.

Veteran stage actor Monique Wilson plays Apolinario Mabini, the first Prime Minister and Foreign Affairs Secretary of the Philippines. It presents Mabini’s ideals and the challenges he faced. It focuses on Mabini’s life as the top adviser of President Emilio Aguinaldo during the Philippine-American War, his imprisonment in Intramuros, his exile to Guam in 1901, and his death months after his return to the Philippines in 1903. #

Reclamation project tinututulan ng mga taga-Taliptip

Isang kilos-protesta ang isinagawa ng mga residente ng Sitio Taliptip sa Bulakan, Bulacan sa harapan ng Department of Environment and Natural Resources Region 3 sa San Fernando, Pampanga.

Nanawagan sila sa ahensya na ipawalang-bisa ang Environmental Compliance Certificate ng Silvertides Holdings na siyang sub-contractor ng San Miguel Corporation para sa pagtatayo ng New Manila International Airport o Aerotropolis sa nasabing lugar.

Tinatayang nasa 1,000 pamilya ang mawawalan ng tirahan gayundin na ang hanapbuhay ay pangingisda. Masisira din ang mga bakawan at ilang yamang tubig sa nasabing isla.

Ang Bulacan Aerotropolis ay isa mga proyekto ng pamahalaang Duterte sa ilalim ng Build, Build, Build Program. Bibigyan ng Department of Transportation ang San Miguel Corporation para pamahalaan ang konstruksyon ng Aerotropolis. (Music: news background. Bidyo ni Joseph Cuevas/ Kodao)

Students vow to fight police presence inside schools

Students held a rally at the University of the Philippines in Diliman last August 14 to condemn attempts by state security forces to place police and military forces in campuses. They were joined by other organizations from marginalized sectors.

Following Senator Ronald dela Rosa and interior secretary Eduardo Año’s demands that police and military presence be allowed in state universities and colleges to combat student activism, the students said such moves are in violation of their Constitutionally-guaranteed rights. (Video by Jek Alcaraz)

Welga inilunsad ng mga manggagawa ng Super 8

Inilunsad ng mga manggagawa ng Super 8 Warehouse ang kanilang welga sa Axis Road, Brgy. Kalawaan sa Pasig City noong Agosto 6 laban sa malawakang tanggalan sa kanilang kumpanya.

Itinayo nila ang welga dakong 7:00 ng umaga at lumahok ang 88 manggagawa.

Mariin nilang binatikos ang management na Matapat Service Cooperative na siyang pwersahang nagtanggal sa mga manggagawa.

Bukod dito, tinututulan din nila ang mahigpit na pamamalakad ng Agency, panggigipit at pangwawasak ng unyon.

Nagtungo sila sa Pasig City Hall kung saan kinausap sila ng bagong mayor ng syudad na si Vico Sotto.

Hiling nila na maibalik sila sa trabaho, maibigay ang kanilang mga naudlot na benepisyo at kilalanin ang bagong tayong unyon. Nasa 200 kontraktwal na mga manggagawa ang nasa Super 8 Warehouse sa Pasig.

Ito ay pagmamay-ari ni Alvin Lim, founder at CEO ng Super 8 Retail System at sister company din ng Suy Sing Commercial Corporation. (Music: News background Bidyo ni: Joseph Cuevas/ Kodao)