Video is one of Kodao’s core programs. Watch our newsreels, documentaries and livestreams here.

KODAO ASKS: Anong inaasahan mo sa administrasyon ni Bongbong Marcos?

Nagprotesta ang mga progresibong organisasyon sa araw ng panunumpa ni Ferdinand ‘Bongbong’ Marcos Jr. bilang bagong pangulo ng bansa.

Bagamat mayroon silang mga hamon at panawagan, sa kabuuan ay wala silang inaasahan na malaking pagbabago. Bagkus, anila, ay mas titindi pa ang krisis na mararanasan ng mamamayan sa bagong administrasyon.

Kaanak ng Desaperacidos, muling nanawagan ng hustisya

Pinangunahan ng grupong Desaparecidos ang isang pagtitipon sa Bantayog ng mga Bayani noong Hunyo 25 para alalahanin ang mga biktima ng sapilitang pagkawala at muling ipinawagan ang hustisya para sa kanilang mga kaanak at kaibigan.

Ayon sa kanilang tala, mula noong panahon ni Ferdinand Marcos Sr. hanggang sa termino ni Pangulong Duterte ay nasa 1,880 na ang biktima ng sapilitang pagkawala na karamihan ay mga aktibista, magsasaka at manggagawa. Pinakahuling kaso ay kay Steve Abua na dinukot sa Lubao sa Pampanga noong Nobyembre 2021.

Pinangangambahan nila na mas titindi pa ang kawalang hustisya sa bansa at paglabag sa karapatang-pantao sa paparating na administrasyon ni Bongbong Marcos Jr. (Bidyo ni Joseph Cuevas/Kodao, Background Music: Desap by Pordalab)

Museo tungkol sa Batas militar, binisita ng mga maralita

Nagtungo sa museo ng Bantayog ng mga Bayani ang mga kasapi ng Kalipunan ng Damayang Mahihirap o KADAMAY sa isang educational tour hinggil sa Batas Militar ni Pangulong Ferdinand Marcos Sr.

Ayon sa mga lumahok, nangangamba sila ngayon na muling maulit ang lagim ng martial law dahil nakatakdang manumpa bilang susunod na pangulo ng bansa ang anak nang dating diktador na si Ferdinand ‘Bongbong’ Marcos Jr.

https://youtu.be/U5C247lEM4E

Taas-sahod at proteksyon, giit sa Araw ng mga Manggagawang Pangkalusugan

Nagpahayag ang Alliance of Health Workers sa paggunita ng ‘Healh Workers Day’ kung saan sigaw nila ang mataas, disente at nakabubuhay na sahod, pagtugon sa lumalalang understaffing sa mga pampublikong ospital at pagtigil sa red-tagging na ginagawa ng NTF-ELCAC (National Task Force to End Local Communist Armed Conflict) sa kanilang sektor.

Kasabay nito, mayroon din silang mga kahilingan sa mga kandidato na mananalo sa darating na eleksyon sa Mayo 9.

KODAO ASKS: Bakit kailangang iboto si Neri Colmenares?

Isang linggo bago ang eleksyon, ginunita ang Pandaigdigang Araw ng Paggawa sa Smart-Araneta Coliseum sa Quezon City noong Mayo 1.

Kasabay nito, nagpahayag ang ilang dumalo sa rally kung bakit kailangang iboto si Atty. Neri Javier Colmenares, kandidato pagkasenador sa ilalim ng Makabayan Coalition at 1Sambayan.

‘Katarungan!’ sigaw sa unang taon ng ‘Bloody Sunday Massacre’

PAHAYAG: Nanawagan ng hustisya ang Defend Southern Tagalog sa unang anibersaryo ng ‘Bloody Sunday Massacre’ sa rehiyon kung saan siyam na aktibista ang pinaslang at anim ang ikinulong.

Sigaw din at papanagutin ang mga pulis na responsable sa madugong mga raid.

Hiling din nila ang hustisya sa lider manggagawa na si Dandy Miguel na pinaslang ilang linggo lamang makalipas ang masaker. (Bidyo ni Joseph Cuevas)

Isulong ang agenda para sa mga bata sa darating na eleksyon -CRC

PAHAYAG :Ibinahagi ng Children’s Rehabilitation Center at Salinlahi sa kanilang aktibidad sa Commission on Human Rights, Marso 5 ang agenda ng mga bata sa pamamagitan ng sining-biswal.

Inilahad nila na dapat mabigyan ng boses sa darating na eleskyon ang mga bata na lubhang naapektuhan ng pandemya. Panawagan din nila ang isang maayos at malinis na halalan sa Mayo 9.

Pahayag ng Saribuhay sa Mining Act of 1995

Nagpahayag ang environmental group na Saribuhay kaugnay sa ika-27 taon ng Mining Act of 1995 at ipinanawagan ang pagbasura nito dahil sa pandarambong sa kalikasan gayundin sa lupain ng mga ninuno.

Bidyo ni Joseph Cuevas/Kodao

KODAO ASKS: Ano ang aral ng EDSA People Power 1 ang dapat ipagpatuloy ng mamamayan?

Ginunita noong Biyernes, ika-25 ng Pebrero, ang ika-36 anibersaryo ng EDSA People Power 1 na nagpatalsik sa diktadurya ni Pangulong Ferdinand Marcos Sr.

Ilan sa mga dumalo sa aktibidad ang nagpahayag sa kung anong aral ang dapat ipagpatuloy ng pag-aalsang EDSA sa panahong nagtatangkang bumalik sa poder ang pamilya Marcos sa darating na Mayo sa pamamagitan ni Ferdinand “Bongbong” Marcos Jr. (Video ni Joseph Cuevas/Kodao)

https://www.youtube.com/watch?v=e99_Gm1CBDI

‘Palayain si Dr. Naty Casto’ — Health Action for Human Rights

Nagpahayag ng pakikiisa at suporta ang Health Action for Human Rights (HAHR) para kay Dr. Maria Natividad ‘Naty’ Castro, secretary-general ng Karapatan sa Caraga Region na iligal na inaresto noong Pebrero 18, 2022 sa kanilang tahanan sa San Juan City.

Panawagan nila na palayain at ibasura ang kasong isinampa kay Dr. Castro. Bukod sa pagiging tagapagtanggol ng karapatang pantao, si Dr. Castro din ay isang physician at community doctor sa mga barrio ng Lumad sa Caraga.

Bidyo ni Joseph Cuevas/Kodao