Posts

Itanong Mo Kay Prof: Hinggil kay Robert Mugabe at hinggil sa martial law nina Marcos at Duterte

/in /by

Panayam ng Kodao Productions kay Prof. Jose Maria Sison hinggil sa yumaong Robert Mugabe, dating presidente ng Zimbabwe at ang Martial Law sa panahon ni Marcos at Duterte.

ITANONG MO KAY PROF
TOPIC: 1. Robert Mugabe, dating pangulo ng Zimbabwe
2. Martial Law ni Marcos at De Facto Martial Law ni Duterte
SEPTEMBER 18, 2019

Prof Sarah: Magandang araw sa mga tagapakinig sa ating paluntunang Itanong Mo Kay Prof. Sa araw na ito ay makakasama nating muli ang Chair Emeritus ng ILPS upang talakayin ang mahahalagang sitwasyon sa ating malawak na kilusang mapagpalaya.

Magbibigay tayo ng pagpupugay sa kilusang mapagpalaya ng Zimbabwe at sa naging lider nito na si President Mugabe. Maglalaan din tayo ng panahon sa pagtalakay ng mga kundisyong bunsod naman ng mga presidenteng diktador at anti-mammayan. Bukod pa at higit rito ay pag-uusapan din natin ang pagbabalikwas ng mamamayang magigiting laban sa mga korap at abusadong lider ng ating nakaraan at kasalukuyan. At siyempre makakasama natin si Propesor Jose Maria Sison dito sa Itanong Mo Kay Prop.

Prof Sison: Maalab na makabayang pagbati sa inyo Prof. Sarah Raymundo at sa lahat ng ating kababayan!

Mga Tanong:

Prof Sarah: Prof Sison, bago tayo tumungo sa mahahalagang usapin sa ating bayan, puntahan muna natin ang isang mainit at pinag-uusapan din ngayon sa buong daigdig. Ito ay ang pagpanaw ng dating pangulo ng Zimbabwe na si Robert Mugabe, noong September 6 sa idad na 95 taon. Magkakaiba ang damdamin ng kanyang mga kababayan sa pagtingin ng kanyang naging kasaysayan bilang pangulo ng Zimbabwe, na dating Rhodesia.

Prof Sarah: Sabi ng mga matatandang Aprikano, si Mugabe daw ay revolutionary fighter at liberator. Maaari po ba ninyong ibahagi sa ating mga tagapakinig sino po ba talaga si Robert Mugabe. Tutuo ba na naging mahusay na lider siya at rebolusyonaryo?

JMS: Si Robert Mugabe ay totoong revolutionary fighter at lider sa pagpapalaya ng Zimbabwe. Sa kanyang pagpanaw, pinarangalan bilang bayani ng gobyerno at mga mamamayan ng Zimbabwe. Sa matagal na panahon, itinuring siya na bayani at ama ng kanyang bayan laban sa kolonialismo at imperyalismo ng Bretanya at sa white minority rule ng mga Ingles. Taglay niya ang African nationalism at naging tagapangulo ng Non-Aligned Movement, Organization of African Unity at African Union.

Sa ilang panahon, sinikap niyang mag-aral ng Marxismo bilang gabay sa pagpapalaya sa itim na mayorya ng kanyang bayan. Kinulong siya nang sampung taon (1964-74) ng mga kolonyalistang Ingles. Sa paglabas niya ng preso, tumungo sa Mozambique para pamunuan ang sandatahatang pakikibaka ng Zimbabwe African National Union (ZANU) laban sa white minority rule ni Ian Smith ng Rhodesia (dating tawag ng mga Ingles sa Zimbabwe.)

Pumasok siya sa peace negotiations na minungkahi ng Bretanya at natuloy ito sa pagtigil sa sandatahang pakikibaka. Nagkaroon ng general election ng 1980 kung kailan nanalo ang ZANU-Patriotic Front at naging unang Prime Minister ng Zimbabwe si Mugabe mula 1980 hanggang 1987. Naging presidente siya mula 1987 hanggang 2017. Sa kanyang katungkulan, pinalawak niya ang sistema ng health care at public education. Sa umpisa nakipagcompromiso siya sa Bretanya tungkol sa economic policy. Pero itinulak pa rin niya ang dekolonisasyon, laluna sa land reform laban sa mga puting panginoong maylupa.

Prof Sarah: Tinawag din siyang diktador ng maraming Zimbabwean. Marami daw pong pinapatay si Mugabe at siya daw ang dahilan ng pagbagsak ng kanilang ekonomiya. Naging ganid daw siya sa kapangyarihan. Inabot niya ang 37 taon sa pwesto bago siya napabagsak at napaalis sa ng mga militar sa kanilang bayan. Ano ang masasabi ninyo dito, Prof Sison?

JMS: Ang pagkumpiska ng lupa mula sa mga puting panginoong maylupa para ipamudmod sa mga itim na magsasaka ang naging dahilan ng malaking paninira kay Mugabe mula sa minoryang puti, mga kasapakat nilang itim na nasa partido naZimbabwe African People’s Union (ZAPU) at mga pahayagan ng Bretanya at Kanluran. Sinabotahe ng mga imperyalista ang mga eksport ng Zimbabwe at dahil dito napinsala ang ekonomya nito. Pero naligtas ang ekonomiya dahil sa tulong ng mga bansang hindi palasunod sa US at Bretanya.

Pinakamasamang hamon kay Mugabe ang paglunsad ng armadong oposisyon sa kanyang gobyerno. Dito nagkamatayan ng marami. Dinurog ng Fifth Brigade ni Mugabe ang armadong oposisyon sa Matabeland kung saan iniulat na galibu ang nasawi. Gayunman sa mga eleksyon, pinayagan ni Mugabe ang paglahok ng partido ng oposisyon. Hanggang ngayon, buhay na buhay ang mga legal na kalaban niya sa pulitika.

Prof Sarah: Ano ang aral na ating mapupulot sa naging kasaysayan ni Robert Mugabe, Prof Sison? May kabuluhan ba ang kanyang mga ginawa para sa mga Aprikano at sa mamamayan ng daigdig?

JMS. Malaki ang kabuluhan ng ginawa ni Mugabe sa pagpapalaya at pagpapaunlad ng Zimbabwe at sa pagtataguyod ng pagkakakaisa ng mga bansang Afrikano laban sa kolonyalismo, imperyalismo at paghahari ng puting minorya. Sa kabila ng mga tagumpay niya at pagsuporta ng masa, parang hindi niya namalayan ang kanyang pagtanda at pangangailangan na magretiro. Sa edad na 93, gusto pa niyang magpatuloy na presidente ng Zimbabwe pero pinagsabihan na siya ng militar na palitan na siya ng bise presidente. Ang aral dito ay dapat may retirement age at limitasyon sa termino ng mga lider.

Prof Sarah: Noong September 21, 1972 ay pinirmahan ng dating pangulo ng bansa at diktador na si Ferdinand Marcos and Proclamation No. 1081. Isinasaad dito ang paglalagay sa buong bansa sa ilalim ng Batas Militar o Martial Law. Ginawa ito ni Marcos para lalong lupigin ang nag-aalburutong galit ng mamamayan na noon ay nakakaranas na ng matinding pang-aabuso ng mga may kapangyarihan sa bansa. Bagsak ang ekonomiya. Marami ang walang hanapbuhay. Marami ang hindi kumakain sa maghapon at kaliwa’t kanan ang pang-aapi ng mga kapitalista at panginoong maylupa sa mga manggagawa at magsasaka.

Ipinagbawal ang organisasyon ng mga kabataan at guro sa eskwelahan. Ipinasara ang mga publikasyon at tinanggalan ng karapatan sa pamamahayag at ekspresyon ang mamamayan para hindi malaman sa buong daigdig ang nagaganap na karahasan sa bansa.

Marami ang hinuli, tinortyur, pinatay at mga dinukot na hanggang ngayon ay hindi pa nakikita.

Kasama nating muli ngayon si Prof Jose Maria Sison para magbahagi ng kanyang karanasan noong panahon ng Batas Militar.

Prof Sarah: Prof Sison, isa kayo sa mga lumaban noong panahon ng Batas Militar. Ano po ang inyong masasabi sa ginawang ito ni Marcos?

JMS: Tunay na masamang tao si Ferdinand Marcos. Sakim sa kapangyarihan at sa kayamanan. Nagpataw ng batas militar sa bayan para magtayo ng pasistang diktadura at mawalan ng hadlang ang kanyang paglabag sa mga karapatang demokratiko at pantao at gayundin ang kanyang pandarambong sa kabangyaman ng bayan at sa mga proyektong overpriced at kaakibat nitong mga utang sa loob at labas ng bansa.

Noon pa mang 1965, tantiyado na naming nasa mga makabayan at progresibong organisasyon na may balak si Marcos na maging pasistang diktador habambuhay. Dahil dito, determinado kaming magpalakas ng kilusang masa hanggang maitayo ang isang rebolusyonaryong partido at hukbo. Lalong naging halata ang hilig ni Marcos noong 1969 at 1970 na gumamit ng militar para manakot at pumatay.

SR5. Kayo po ay nahuli noong 1977. Sino po ba ang dumakip sa inyo, Philippine Constabulary (PC) o mga sundalo? Paano ninyo hinarap si Marcos at ano ang ginawa nila sa inyo?

JMS: Composite forces ng Philippine Constabulary and dumakip sa akin noong Nobyembre 10, 1977. At pagkatapos ikinulong ako nang matagalan hanggang 1986 sa Military Security Unit ng Philippine Army. Parang gentlemen kami ni Marcos nang magharap. Nagkunwari pa siyang mag-alok ng national unity and reconciliation. Tugon ko na pag-aralan namin kung ano ang mabuti para sa bayan. Nagreklamo pa ako tungkol sa pagdukot at pamamaslang ng militar sa mga aktibista sa Timog Katagalugan.

Nang ibinalik ako sa aking piitan sa MSU sa Fort Bonifacio, ilang araw akong pinupuntahan ng mga imbestigador hanggang Sabado. Halata kong yamot sila na walang makuha sa akin na impormasyong makapagpahamak sa iba. Pagdating nang Sabado at Linggo, ipinailalalin na ako sa physical torture, kabilang na ang pambubogbog at maraming oras ng water cure: paulit-ulit na pagpapaagos ng tubig sa aking ilong hanggang para akong nalulunod.

Prof Sarah: Prof Sison, anong aral ang maibabahagi ninyo sa ating mga tagapakinig bilang isa sa mga naging biktima ng Martial Law?

JMS: Napakasama ang martial law. Lisensiya ito ng presidente bilang commander-in-chief at mga utusan niyang militar na gumawa ng lahat ng human rights violations, kabilang na ang mga abduction, torture, pamamaslang at pandarambong. Dahil sa martial law napakaraming dinukot, desaparesido, tinorture, pinatay at inagawan ng property. Sa pinakamababang estimate, nakapagnakaw si Marcos ng 10 to 15 billion USD.

Prof Sarah: Ngayon naman ay dumako tayo sa panahon ng Pangulong Duterte. Maaari ninyo po bang ipaliwanag muna sa ating mga tagapakinig, ano ang ibig sabihin ng de facto martial law?

JMS: Tulad ng panahon ng pasistang diktadura ni Marcos at tulad sa Mindanao ngayon magmula 2017 may pormal na proklamasyon ng martial law. Pero sa Luson at Bisayas, wala pang ganitong proklamasyon, de facto o sa katunayan meron nang martial law dahil sa aktwal na paggamit ng militar ni Duterte para manakot, manghuli, magtorture at pumaslang sa mga tao nang walang paghapag at pagproseso ng kaso sa harap karampatang husgado ng sibilyan na gobyerno. Sa ilalim ng Executive Order No. 70 ilinalagay ni Duterte ang gobyerno at lipunan sa kanyang kamay na bakal o kanyang militar na instrumento.

Prof Sarah: Napakarami na po ang mga dating pulis at militar na ngayon ay nasa Kongreso, Senado at Malacanang. Pinasok na rin ng Philippine National Police ang mga eskwelahan at unibersidad sa Kamaynilaan para daw supilin ang pagrerekrut ng mga NPA sa mga kabataan. Ito rin daw ay bahagi ng kanilang kampanya ng pagsupil sa mga pinagbabawal na gamot. Ano ang inyong opinyon hinggil sa mga bagay na ito, Prof Sison?

JMS: Ang mga binanggit mo ay pruweba ng de facto martial law. Sa utos ng commander-in-chief, nagiging dominante ang mga militar sa gobyerno at sa lipunan. Pinakikialaman ng militar ang lahat ng bagay para maghasik ng lagim at gumawa ng anumang krimen sa ngalan ng anti-communism at national security.

Prof Sarah: Noong May 23, 2017 ay ibinaba ang martial law sa buong Mindanao. Kasunod nito ay kinansela ng gubyerno ang panglimang round ng usapang pangkapayapaan sa pagitan ng Government of the Republic of the Philippines (GRP) at National Democratic Front of the Philippines (NDFP), na noon ay parehong nasa (The) Netherlands ang mga negosyador. Ano po ang inyong masasabi dito, Prof Sison?

JMS: Magmula sa petsang binanggit mo,, nagproklama ng martial law sa saklaw ng buong Mindanao para umpisahan niyang labanan nang lantaran ang CPP, NPA at iba pang pwersang rebolusyonaryo. Sadyang sinira ni Duterte ang peace negotiations nang sa gayon magawa niyang dahilan ang armed conflict o ang CPP at NPA para magtayo ng pasistang diktadura.

Prof Sarah: Prof Sison, hindi lamang isang taon ang martial law sa Mindanao. Ito ay naextend pa hanggang matapos ang taong 2019. Ano po ba sa inyong pagtingin sa dahilan ng pamahalaan at bakit kailangang ipagpatuloy pa ang martial law sa Mindanao?

JMS: Ipinagpatuloy ang martial law sa Mindanao bilang pundasyon ng de facto martial law sa buong Pilipinas at bilang pundasyon na rin ng pandaraya sa nakaraang eleksyon at anumang susunod na eleksyon. Dominado na ni Duterte ang Kongreso at local governments dahil sa malaking pananakot sa oposisyon at pandaraya sa eleksyon sa Mindanao. Isa pang mahalagang punto, dahil sa martial law sa Mindanao, napadali ang pang-aagaw ng lupa at natural resources mula sa mga kawawang lumad at mga magsasaka.

Prof Sarah: Ano po ang epekto ng martial law sa Mindanao? Sa inyo po bang pagtingin Prof Sison, malulupig ng pamahalaan ang mga rebolusyonaryong pwersa ng CPP/NPA/NDF?

JMS: Sa palagay ko, hindi malulupig ng bulok na gobyerno ang pwersang rebolusyonaryo sa Mindanao. Lalo pang lalakas ang mga ito dahil sa ibayong pang-aapi at pagsasamantala at dahil taglay nila ang tamang linya ng demokratikong rebolusyon ng bayan. At tama rin ang estratehiya nila na pangmatagalang digmang bayan at mga taktika ng digmang gerilya na malawak at masinsinan batay sa malawak at malalim ng suporta ng masang api.

Prof Sarah: Sa September 21 ay aalalahanin ng mamamayang Pilipino ang ika-47 taon ng Batas Militar sa bansa. Ano po ang inyong pabaong mensahe sa ating mga tagapakinig, Prof Sison?

JMS: Mensahe ko sa lahat ng ating kababayan na tandaan ang malalaking krimen ng pasistang diktadura ni Marcos at ipagbunyi ang dakilang pakikibaka ng masang Pilipino at mga makabayan at demokratikong pwersa para ibagsak ang diktadura iyon. Matuto sa karanasan at labanan nang puspusan ang balak at mga hakbang ng tiraniyang Duterte na magpataw ng martial law at pasistang diktadura sa sambayanang Pilipino.

Prof Sarah:

Prof Sison: Nagpapasalamat ako muli kay Prof. Sarah Raymundo at sa lahat ng takapakinig. Mabuhay kayo!

Prof Sarah: Maraming salamat Prof Sison sa isang mayaman at matalas na diskusyon. Maraming salamat sa ating mga tagapakinig.

Apat na pu’t pitong taon matapos ang deklarasyon ng Martial Law ay nahaharap na naman tayo sa malalagim na kundisyon. Mabangis ang gobyernong Duterte at ang galamay nito lalong-lalo na sa mga manggagawa at magsasaka. Tintatakot at pinapatumba rin nito ang mga nagtatanggol sa karapatang pantao at nais magsulong ng kapayapaan.

Tandaan natin, hindi magiging ganito kasahol ang paninikil sa ating mga laya kung wala ring matinding krisis na hinaharap ang ating sistema. Ang gustong mangyari ng mga nasa kapangyarihan ay panatilihin ang umiiral na sistema sa kabila ng krisis. Kaya tinatakot at inaagawan nila ng buhay ang mga nagnanais baguhin ang sistema upang masolusyunan ang krisis. Habang sila ay papahina, nais din nila tayong maging mahina. Kaya’t nararapat lamang na tayo ay humugot ng lakas sa pagtitiwala sa kilusang masa.

Ito po si Sarah Raymundo ng Bagong Alyansang Makabayan at Unibersidad ng Pilipinas. Hanggang sa muli dito sa Itanong Mo Kay Prof.

End

Eksibisyon: ‘Tatlong Taong Walang Diyos’

/in /by

Binuksan sa publiko ang “Tatlong Taong Walang Diyos”, isang eksibisyon ng mga imahe na nagsasalarawan sa tatlong taon ng administrasyong Duterte, at ang drug war nito.

Tampok sa eksibit ang mga likha nina Raffy Lerma, Ezra Acayan, Kimberly Dela Cruz, Aie Balagtas See, Eloisa Lopez, Vincent Go, Ciriaco Santiago III, Basilio Sepe, Carlo Gabuco, Mike De Leon, Carlos Siguion-Reyna, Lav Diaz, Carina Evangelista, David Ramirez, RISE UP at RESBAK.

Ayon sa mga artista, hindi lamang ipinapakita ng mga imahe ang aktwal na mga pangyayari sa drug war kundi layunin din nito na ilarawan ang bigat ng responsibilidad nang pagiging isang saksi bilang mga photojournalist.

Tampok rin ang mga litrato ng mga biktima – nanay, tatay, kuya at mga bata – sulyap noong sila’y nabubuhay pa.

Ang “Tatlong Taong Walang Diyos” ay matutunghayan hanggang Oktubre 30 sa Stall #09 ng Cubao Expo, Martes hanggang Linggo ng 1PM-9PM. # (Ulat at mga larawan ni Maricon Montajes)


Malaking protesta sa Setyembre 20, pangungunahan ng kabataan

/in /by

Nagsagawa ng press conference ang alyansang United People’s Action sa gusali ng Sangguniang Laiko ng Pilipinas ngayong araw ng Lunes, Setyembre 16, para sa itinakda nilang kilos-protesta sa Setyembre 20 bilang paggunita sa ika-47 anibersaryo ng deklarasyon ng batas militar ng diktador na si Ferdinand Marcos.

Pangungunahan ng mga kabataan ang pagkilos na may temang ” Laban Kabataan, Laban Bayan! Inhustisya at Diktadurya Wakasan!” Nagpahayag ng suporta at pagsama sa pagkilos ang iba’t-ibang grupo.

Binasa din ni dating Supreme Court Chief Justice Maria Lourdes Sereno “Unity Statement” ng United People’s Action. (Music: News Background. Bidyo ni: Joseph Cuevas/Kodao)

Job creation volatile, mostly of poor quality work

/in /by

by IBON Media

Research group IBON said that the recently reported job generation is mostly in poor quality work and confirms volatile labor market conditions rather than a strengthening economy.

The group made the statement after the recent release of seemingly favorable employment figures and warned against complacency.

The Philippine Statistics Authority (PSA) reported an increase in the number of employed by 2.3 million and an increase in the number of unemployed by 103,000 in July 2019 from the previous year.

The employment and unemployment rates stayed the same as last year at 94.6% and 5.4%, respectively.

IBON however said that the extreme volatility in the labor market since 2016, for instance, should temper overenthusiasm that the economy and the labor force situation is improving.

Millions of Filipinos are making do with poor quality work and hundreds of thousands more are in and out of work.

The group recalled that the reported 2.3 million additional employment in 2016 reversed to 664,000 net job losses in 2017.

In 2018, 2.4 million new jobs were reported generated in the January labor force survey round, measured year on year, but this reversed to 218,000 net job losses in the October round.

The situation remains as volatile so far this year, ranging from 387,000 net job losses in January 2019 to the recently reported 2.3 million job creation in July 2019.

This volatility indicates Filipinos struggling to find work where they can on a day-to-day basis rather than a strengthening economy creating steady jobs paying decent incomes, IBON stressed.

Looking at employed persons in terms of hours worked, 2.2 million or an overwhelming part of the net 2.3 million additional employed in July 2019 was actually just in part-time work of less than 40 hours.

This caused the share of part-time work in employment to markedly rise from 28.2% to 31.8 percent.

Looking at employed persons by class of worker, IBON pointed out that the biggest employment increases were actually in low-earning, insecure, and informal work, as well as in unpaid family work.

The number of self-employed without paid employees grew by 1.1 million and the number of unpaid family workers grew by 854,000.

Finally, IBON said that looking at the three biggest job-creating sectors also does not give confidence.

The sectors creating the most jobs included wholesale and retail trade which grew by 820,000, and accommodation and food service by 292,000.

These subsectors are notorious for high informality and uncertainty, the group said.

IBON noted the 716,000 increase in agricultural employment but pointed out that this is likely only momentary because agricultural employment is in long-term decline especially from lack of government support for the sector.

IBON also commented on the underemployment rate falling significantly from 17.2% in July 2018 to 13.9% in July 2019.

This is equivalent to the 7 million underemployed last year falling to just 6 million this year.

The group said that while falling underemployment is commonly used as a proxy for improving quality of work, the latter is not necessarily what is happening.

Underemployment refers to employed persons wanting additional hours of work in their present job, an additional job, or a new job with longer working hours.

IBON explained that the large drop in the underemployed is possibly only because workers are already working such long hours that they do not want additional hours in their present job, cannot take on an additional job, or cannot imagine a new job with even longer hours.

The breakdown of reported underemployed persons is not inconsistent with this, the group said.

The number of those working 40 hours and over in a week, or the invisibly underemployed, fell by a huge 1.5 million from 3.7 million in July 2018 to 2.2 million in July 2019.

Those who worked less than 40 hours, or the, visibly underemployed, meanwhile, increased by 352,000, hence the net decrease of some 1.1 million total underemployed.

IBON said that while more employment is always desirable, government should ensure that jobs are decent and sustainable.

But as long as government neglects the development of domestic agriculture and industries to generate stable and quality work, the jobs crisis will continue to worsen, and Filipinos will keep grappling with poor job prospects. #

Inhustisya ng gubyerno, binatikos ng mga aktibista

/in /by

Isang kilos-protesta ang isinagawa ng mga grupo ng kabataan at iba pang organisasyon noong Setyembre 10, 2019 laban sa kawalang hustisya sa ilalim ng gobyerno ni Pangulong Rodrigo Duterte. Idinaos ito sa harapan ng Department of Justice kasabay ng Preliminary Investigation laban kina Atty. Neri Colmenares at iba pang lider kabataan na sinampahan ng kaso.

Panawagan nila na ibasura ang kaso laban kina Colmenares sa paniniwalang isa itong panggipit laban sa mga kabataan at progresibong lider.

Binatikos naman nila ang tila kawalang hustisya at pagpabor ng gobyerno sa mga mayayaman. Inihalimbawa nila ang katiwalian sa Bureau of Corrections at naudlot na pagpapalaya sa dating mayor na si Antonio Sanchez, gayundin ang laganap na “GCTA (Good Conduct Time Allowance) for Sale” sa mga drug lord, rapist at mamamatay tao.

Kinundena rin nila ang patuloy na Oplan Tokhang at militarisasyon ng mga komunidad. (Music: News Background Bidyo ni: Joseph Cuevas/ Kodao)

Itanong Mo Kay Prof: Hinggil sa Inopacan Case

/in /by

Prof Sarah: Unang nilabas ng Philippine News Agency nito lang gabi Setyembre 5, 2019 ang bali-tang may court order para sa pag-aresto kay Jose Maria Sison, Juliet de Lima at 36 na iba pa dahil umano sa NPA purging. Umaabot sa 38 katao ang nasa nilabas na listahan na nilalaman ng court or-der nilabas noong August 22, 2019. Kasama natin si Prof Sison upang marinig ang kanyang panig.

Pagututuunan din natin ng talakayan ang laging bintang na purges na ginagamit ng mga kontra-rebolusyonaryo upang yurakan ang mga partido komunista, at halimbawa na rito ang rebolusyonar-yong si Joseph Stalin, ngayon naman gamit din ang linyang ito laban kay Prop Sison at Partido Komunista ng Plipinas. Aalamin din natin ang posibleng epekto nito status ni Prop.Sison sa Nether-lands bilang political refugee. Kasama natin muli ang Chair Emeritus ng Internatioanal League of Peoples’ Struggle Isang mainit dito sa Itanong Mo Kay Prof. Mainit na pagbati Prof Sison.

Prof Sison: Maalab na makabayang pagbati sa inyo Professor Sarah Raymundo at sa lahat ng ating kababayan.

Mga Tanong at Sagot:

Prof Sarah: 1. Prof. Sison, ito ba ang unang pagkakataon na magkaroon ng court order para sa paghuli sa inyo? At ano po ang naging reaksyon ninyo at ni Juliet de Lima rito? Maari ba kayong magbigay ng direktang tugon sa alegasyon?

Prof Sison: Ngayon pa lang namin nabalitaan na may court order para hulihin kami. Pero dati ko nang alam na ako ang No.1 accused sa pekeng kaso tungkol sa umano’y mass graves sa Inopacan.

Reaksyon namin ni Julie na kalokohan ang kaso dahil sa alegasyon na isa ako sa mga nag-utos sa inimbentong masaker. Nasa maximum security detention ako noong 1985 at nang nahuli ako noong 1977 nawalan na ako ng katungkulan sa CPP. Wala ako sa kalagayan at katayuan na mag-utos sa NPA Ginagawa ang arrest order para takutin ang mga akusado at iba pang tao.

Prof Sarah: 2. Tinutukoy ng balita ang court order na nagtutukoy sa 38 na kataong sangkot sa isang “purge” o ang pag-massacre sa 67 na umano’y biktima ng “Oplan Venereal Disease” ng New People’s Army sa Inopacan, Leyte. Mayroon daw mga mababaw na pinagbaunan o shallow graves na natagpuan noong August 28, 2006. Sa inyong pagkakaalam, mayroon nga bang ganoong Oplan na isinagawa ang NPA?

Prof Sison: Sa tingin ko, boladas lamang ang tinawag na Oplan Venereal Disease. Gawa-gawa ng military psywar. Ang katunayan, inimbento nina Norberto Gonzales at General Esperon ang pekeng kaso ng Inopakan/Hilongos. Si Esperon ang nag-ipon ng mga kalansay mula sa iba’t ibang sementeryo at ginamit na ebidensya sa iba’t ibang kaso. Kaya tinawag ang Inopacan case na case of “walking skeletons”.

Prof Sarah: 3. Alam niyo po ba kung bakit sa tagal ng umano’y pagkakatagpo nila sa mass grave ay ngayon lamang sila naglabas ng court order?

Prof Sison: Binabanat-banat ang kaso para i-harass at siraan ang mga akusado. Pinatatagal ng militar ang kaso sa pamamagitan ng pagprisinta ng napakaraming false witnesses. Halos dalawang dekada na linalabas ng militar ang pabrikasyon nila.

Noon pang 2007 nagpasiya na ang Supreme Court sa ilalim ni Chief Justice Reynaldo Puno na ibasura ang kaso at sinabi pa niyang dapat hindi i-prostitute ang tungkulin ng prosecution. Pero inamyenda ang paratang para buhayin ang patay na kaso.

Prof Sarah: 4. Ito po bang mass graves na ito ay siya ring ikinaso kina Ka Satur Ocampo at iba pa dati? Ano na po ang nangyari sa kaso na iyon? Kung ito rin iyon, maaari niyo bang ibahagi sa amin ang inyong nalalaman sa kasong ito ng gobyerno?

Prof Sison: Dati nang isinama sa Inopacan case si Satur. At nagkaroon siya ng bail dahil sa walang batayan ang paratang sa kanya.

Prof Sarah: 5. Pamilyar ba kayo sa mga pangalang nasa listahan ng court order? Sila bang lahat ay katulad niyo ring aktibista at matagal nang kritiko ng sistemang mapang-api at ng gobyerno?

Prof Sison: Hindi ako pamilyar sa lahat ng pangalan ng akusado. Pero alam kong ilan sa kanila ay nasa kulungan noong 1985 tulad nina Satur Ocampo at Vicente Ladlad. Ilan ang patay na sa mga akusado tulad ni Jose Luneta. At ilan ang desaparecido na dinukot ng militar, tulad nina Leo Velasco at Prudencio Calubid. Meron ding nasa abrod tulad ni Luis Jalandoni nong 1976 pa at hanggang ngayon.

Marami sa mga nasa list ay dating mga aktibista. Nais takutin ang mga ito at lahat ng aktibista. Ipinapakita ni Duterte na kaya niya ang anumang pangiggipit hanggang pamamaslang.

Prof Sarah: 6. Ano po ang epekto sa inyong katayuan bilang asylum seeker sa Netherlands? Maari po ba kayong hulihin mula riyan? Ano po ang mga proteksyon ninyo riyan?

Prof Sison: Walang extradition treaty sa pagitan ng Netherlands at Philippines. At may mga karapatan ako bilang recognized political refugee alinsunod sa Geneva Refugee Convention at European Convention on Human Rights.

Pinakamahalagang punto ay nasabi ko na. Nasa maximum security detention ako noong 1985 at bilang bilanggo, wala akong katungkulan na mag-utos sa CPP at NPA. Kayang-kaya ng mga abogado kong Olandes at Pilipino na supalpalin ang pekeng alegasyon.

Prof Sarah: 7. Prof. Joma, maram-rami na rin ang mga katulad ninyo mula sa iba’t-ibang bayan ang napilitang mangibang-bansa, ang nakararami sa mga kababayan natin ay mga OFW. Ang sa kaso niyo naman po ay tinatawag ng ilang experto na political refugee. Ito rin ba ang turing niyo sa sarili? May pinagkaiba ba ito political exile? Maaari niyo bang ipaliwanag sa amin kung ano ang ibig sabihin ng mga ito? Bakit po parami na nang parami ang mga political refugee sa mundo? Bakit po ganon na lang ang pagdedemonyo o paninira sa mga political refugee? May kaibigan o mga kakilala rin ba kayan mga political exiles? Ano naman po ang kaso at mga kosa nila?

Prof Sison: Ako’y political refugee na rekonosido ng pinakamataas na administrative court at ng gobierno mismo ng Netherlands alinsunod sa Geneva Refugee Convention. Hindi kailangan na political refugee ang political exile. Dumarami ang political refugees sa mundo dahil sa panggugulo ng US sa Middle East, Africa at marami pang ibang bansa.

Prof Sarah: 8.Sinasabi rin ng iilang kritiko ninyo na self-exile naman daw ang sa kaso ninyo, ibig sabihin ay sarili niyo lang naman ang boluntaryong umalis ng bansa. Ano po ba ang masasabi niyo rito?

Prof Sison: Hindi ako self-exile. Pang-insulto lang sa akin iyon ng aking mga kritiko. Nasabi ko na kung bakit ako ay naging political refugee. Napilitan akong mag-apply ng political asylum dahil kinansela ni Cory Aquino ang Philippine passport ko noong 1988 at pinagbantaan ako na hulihin ng militar kung umuwi ako dahil sa pekeng kaso ng subversion. Laging gumagawa ang militar ng pekeng kaso laban sa akin.

Prof Sarah: 9. Prof. Joma, ayon po sa mga eksperto sa literatura, ang inyo pong tulang “Sometimes, the Heart Yearns for Mangoes” o “Minsan, hinahanap-hanap ng puso ang mga mangga” ay tungkol sa danas ng mga exile na katulad ninyo. Kailan niyo po naisulat ang tula na iyon? Ano-ano po kaya ang mga alaala ninyo ng ating bayan na nagtulak sa inyong makapagsulat ng tula na iyon? At marami na rin ang gustong-gustong mabatid kung paborito niyo daw po bang prutas ang mangga?

Prof Sison: Sinulat ko ang “Sometimes the Heart Yearns for Mangoes” para sa isang poetry festival sa Netherlands noong 1994. Paminsan-minsan akong nahohomesick dahil sa inangbayan marami akong kasama, kaibigan at kamag-anak na inaala-ala ko . Pero laging panatag ang loob ko dahil sa proletaryong internasyonalista rin ako.

Talagang paborito kong prutas ang mangga dahil sa matamis at masarap kung hinog at pwedeng metaphor ng pag-ibig sa inangbayan dahil malapit ang hugis nito sa puso.

Prof Sarah: 10. Prof. Sison, paboritong linya ng mga kontra-rebolusyonaryo ang paratang ng “purges” o bayolenteng paglilinis ng mga rebolusyonaryong kilusan. Halimbawa, abot-abot ang pangdedemonyo kay Joseph Stalin ng Soviet Union dahil umano sa pinatupad niyang purging, at pilit na binubura ang katotohanang siya ang namuno sa matagumpay na pakikipaglaban ng mga sundalong komunista ng Unyong Sobyet sa mga nagaping pasista ng Nazi sa Germany na pinamunuan naman ni Hitler. Bakit po kaya pare-pareho ang linya ng paratang sa mga rebolusyonaryong kilusan?

Prof Sison: Totoong dinadakila ng mga rebolusyonaryo si Stalin dahil sa pagtatayo niya sa sistemang sosyalista sa Unyon Sobyet at paggapi sa pasismo. Sadyang sinisiraan ng mga kontrarebolusyonaryo ang mga pantas at lider na komunista para siraan na rin ang makatarungang layunin nilang baguhin ang marahas at mapagsamantalang naghaharing sistema ng malalaking kapitalista at panginoong maylupa.

Sa katotohanan ang sistema ng imperyalismo, pyudalismo at burukrata kapitalismo ang siyang marahas at mapanupil sa mga anakpawis. Para buwagin ang mga sistemang mapang-api at mapagsamantala, kinakailangang itumba ang mga ito ng mga mamamayan sa pamamagitan ng armadong pakikibaka.

Prof Sarah: 11. Bilang dalubhasa at iskolar ng mga rebolusyonaryong kilusan at mga kasaysayan ng mga ito, magari niyo po bang ipaliwanag sa amin ang umano’y purges ng Partido Komunista ng Pilipinas noong dekada 80? Mayroon nang lagom at komprehensibong dokumento hinggil dito ang PKP. Nagkaroon ba ang imbestigasyon ang PKP dito? 
Ano po ba ang ugat ng mga purge, kung totoo man ito, at ano po ang nangyari sa mga nagpatupad nito?

Prof Sison: Sa ilang taon ng dekadang 1980, may ilang kadre na nalihis sa linya at nagpalaganap ng maling linya ng militarismo. Nang pumalpak ito, tinakpan nila ang kanilang pananagutan at isinisi sa iba, na kanila ring pinarusahan. Sa kalaunan. Nagkaroon ng mga imbestigasyon at naging maliwanag ang kamalian at mga krimen ng mga talipandas.

Nagpasiya ang CPP noong 1992 na itakwil at ituwid ang kamalian at ikondena ang mga krimen ng mga lumihis sa tamang landas. Kung kaya nagkaroon ng dakilang kilusan sa pagwawasto. Ang mga prinsipal na maysala ay lumikas at pumunta sa panig ng kaaway.

Prof Sarah: 12. Ano po kaya ang motibasyon ng ganitong kilos ng korte at ng rehimeng Duterte? Isa po kayo sa pinakamantinding kritiko ni Duterte. Sa tingin niyo ba ay may kinalalman itong bagong kaso sa inyo sa inyong walang humpay na pagbabantay at pagsasapubliko ng kanyang mga kahinaan at katiwalian?

Totoong matindi ang galit ni Duterte sa akin dahil sa madalas kong pagpuna sa mga maling patakaran at kilos niya. Pero gusto niyang takutin ang lahat ng pumupuna at sumasalungat sa kanya. Gusto niyang takutin ang lahat nito dahil sa tuloy pa rin ang balak niyang magpataw ng pasistang diktadura sa bayan para makapagpatuloy siyang magnakaw at pumaslang nang walang hadlang.

Prof Sarah: 13. Panghuli, ano po ang inyong mensahe sa mga aktibista, kritiko at mga personahe sa oposisyon na patuloy ang pagpapahayag ng mga kabulukan ng rehimeng Duterte?

Prof Sison: Payo at panawagan ko sa mga aktibista, kritiko at mga oposisyonista: Huwag matakot, makibaka! Huwag magpasindak, ituloy ang laban. Ilantad pang lalo ang kabulukan at mga krimen ni Duterte at mga alipuris niya. Mabuhay ang sambayanang Pilipino!

Prof Sarah: Maraming salamat Prof Sison sa napakayamang talakayan at pa matalas na pagpapaliwanag.

Prof Sison: Maraming salamat po sa inyo. Paalam at abangan ang susunod ng brodkas namin ni Prof. Sarah Raymundo.

Prof Sarah: Nabanggit na po ni Prof. Sison na walang ibang layunin ang gobyerno ni Duterte kundi takutin ang mamamayan sa pamamagitan ng pagmainobra sa batas at mga korte. Wala na po tayong ba pang nararapat na panawagan kundi ang magtiwala sa ating hanay, ipaglaban ang karapatan at manindigan sa kapakanan ng ating kapwa at bayan tulad ng mga magigiting na bayanıng Pilipino. Ito po si Sarah Raymundo, guro ng Unibersidad ng Pilipinas Diliman at aktibista ng Bagong Alyansang Makabayan na nananawagan din, Makibaka, huwag matakot!

NDF accuses AFP officers of profiteering from ‘fake NPA surrenderees’

/in /by

The National Democratic Front (NDF) in North East Mindanao accused top officers of the Armed Forces of the Philippines (AFP) of earning millions of pesos from fake New People’s Army (NPA) surrenders.

Reacting to AFP’s announcement of re-focusing its E-CLIP (Enhanced Comprehensive Local Integration Program) on some barrios in the four provinces of Caraga, the NDF said that the move will yet be a new source of corruption of millions of pesos of public funds.

“Moreover, it is also a capital for the promotion of AFP officials and their impossible dream of demonizing the (NPA) and revolutionary movement through the parading of fake-forced-to-surrenders,” NDF North Eat Mindanao spokesperson Maria Malaya said in a statement.

The NDF said that based on reports it received from various barangays and communities in the region, those impelled to surrender were promised Php65,000 each. Some of the “surrenderees”, however, only received Php5,000 while majority were left empty-handed.

“In other cases, the Php5,000 was paid in the form of ‘down payment’ for a motorcycle, and the ‘surrenderee’ is then obliged to pay in installment the total amount of Php65,000 for said motorcycle,” Malaya revealed.

Malaya accused the AFP officials of cunningly doubling their kickbacks from the E-CLIP budget and from commissions by acting as sales agents for the motorcycle companies.

Since the collapse of the formal peace talks with the National Democratic Front of the Philippines (NDFP) Negotiating Panel in November 2017, the Rodrigo Duterte government had been active in parading “NPA surrenderees” and promising them financial enticements through the E-CLIP.

 ‘Jobs, houses’

Duterte himself met with hundreds of the so-called surrenderees since he ordered the termination of his government’s peace talks with the NDFP through Proclamation No. 360 in November 23, 2017.

“Look, I am addressing myself to all the soldiers of the New People’s Army. Surrender now and lay down your arms. There are jobs waiting for you and I am building, all throughout the country, almost 5,000 [houses] with at the National Housing Authority,” Duterte said in November 2017.

Shortly after, in December 2017, the government proscribed the Communist Party of the Philippines and the NPA as terrorist groups through Duterte‘s Proclamation No. 374.

From January to May 2018, AFP claimed that a total of 7,194 NPA members and supporters have surrendered.

Former AFP chief of staff Rey Guerrero, however, clarified in February 2018, that at least 80 percent of the so-called surrenderees are non-combatants.

“Out of about a thousand, 980 are surrenderees. About 800 of them are not regular combatants. They are part of the underground organization, the political structures,” Guerrero said.

In the same period, Duterte welcomed batches of so-called surrenderees in Malacañan and reportedly gave them food packs and smart phones.

Last July 30 to early August, 88 so-called former NPA members enjoyed an all-expense-paid tour of Hong Kong in fulfilment of Duterte’s promise in December 21, 2017 that he would let the former rebels experience life in a developed country.

Duterte also promised to make rebel returnees members of the AFP and even allowed them to keep their firearms.

Forced enlistment

But not all so-called surrenderees are willing conscripts and have become regular troopers of the AFP, the NDF said.

Malaya said there are cases of fake or forced surrenderees who were compelled to enlist and undergo Citizens Auxiliary Force Geographical Unit (CAFGU) training and were promised bigger amounts of cash after they have been presented to the media in the cities or in Malacañang.

“Only a handful was able to receive a small amount of cash. Most of them only got some kilos of rice, noodles and sardines. In short, none of them were able to receive the actual amount promised,” Malaya said.

In the case of the 96 “surrenderees” presented by the AFP’s 401st and 402nd Infantry Brigade in Surigao del Sur in November 10, 2018, AFP officers pocketed Php5.8 million, the rebel spokesperson revealed.

Malaya said that a total of Php480 million had been pocketed by AFP, police and Office of the Presidential Peace Adviser on the Peace Process (OPAPP) from the supposed 8,000 NPA surrenders since 2018.

 “This modus by the military is hardly new, and has long been exposed as a scheme for deception and corruption by AFP officials through the E-CLIP,” she added.

Former Presidential Adviser on the Peace Process Jesus Dureza resigned in November 27, 2018 for reportedly failing to curb corruption at his agency following Duterte public sacking of OPAPP officials who allegedly pocketed funds for the E-CLIP and the Payapa at Masaganang Pamayanan (PAMANA) program. # (Raymund B. Villanueva)

‘Ang kaisipan ng gubyernong ito’

/in /by

“Ang simpleng sinasabi ng gubyerno, ‘Sila po ay mga NPA. Sila ay mga sympathizers, mga front ng NPA.’ Magsasaka, abogado, taong simbahan, guro, principal, at maging ang isang taong gulang ay front ng New People’s Army. ‘Yan po ang kaisipan ng gubyernong ito.”—Ariel Casilao, Anakpawis national vice president

‘Stop the killings!’

/in /by

“Hinding-hindi malulutas ng militarisasyon at pagpaslang sa mamamayan ang sigalot ngayon na nangyayari sa kanayunan. Stop the killings! Defend Negros! Resume peace talks!”—Prof. Judy Taguiwalo, University of the Philippines-Diliman

Araw ng mga Desaparecido ginunita sa isang pagtitipon

/in /by

Muling inalala ng mga kaanak at grupong Desaparecidos ang International Day of the Disappeared sa isang pagtitipon sa Our Mother of Perpetual Help Church sa Baclaran, Parañaque City noong Agosto 30. Sigaw nila ang patuloy na katarungan sa mga biktima ng sapilitang pagkawala.

Sumulat sila kay United Nations Human Rights High Commissioner Michelle Bachelet upang humingi ng tulong sa kaso ng mga desaparecido sa bansa. Si Bachelet ay dating political prisoner sa Chile at lumaban sa gobyernong Pinochet noong dekada 70.

Umapela rin sila sa gobyerno ni Pangulong Duterte na huwag tanggalin ang mahigit 600 kaso ng desaparecidos na nakatala ngayon sa UN Working Group on Enforced or Involuntary Disappearance.

Music: News Background / Bidyo ni: Joseph Cuevas/ Kodao