Posts

Itanong Mo Kay Prof

Panayam ng Kodao Productions kay Prof. Jose Maria Sison hinggil sa yumaong Robert Mugabe, dating presidente ng Zimbabwe at ang Martial Law sa panahon ni Marcos at Duterte.

ITANONG MO KAY PROF
TOPIC: 1. Robert Mugabe, dating pangulo ng Zimbabwe
2. Martial Law ni Marcos at De Facto Martial Law ni Duterte
SEPTEMBER 18, 2019

Prof Sarah: Magandang araw sa mga tagapakinig sa ating paluntunang Itanong Mo Kay Prof. Sa araw na ito ay makakasama nating muli ang Chair Emeritus ng ILPS upang talakayin ang mahahalagang sitwasyon sa ating malawak na kilusang mapagpalaya.

Magbibigay tayo ng pagpupugay sa kilusang mapagpalaya ng Zimbabwe at sa naging lider nito na si President Mugabe. Maglalaan din tayo ng panahon sa pagtalakay ng mga kundisyong bunsod naman ng mga presidenteng diktador at anti-mammayan. Bukod pa at higit rito ay pag-uusapan din natin ang pagbabalikwas ng mamamayang magigiting laban sa mga korap at abusadong lider ng ating nakaraan at kasalukuyan. At siyempre makakasama natin si Propesor Jose Maria Sison dito sa Itanong Mo Kay Prop.

Prof Sison: Maalab na makabayang pagbati sa inyo Prof. Sarah Raymundo at sa lahat ng ating kababayan!

Mga Tanong:

Prof Sarah: Prof Sison, bago tayo tumungo sa mahahalagang usapin sa ating bayan, puntahan muna natin ang isang mainit at pinag-uusapan din ngayon sa buong daigdig. Ito ay ang pagpanaw ng dating pangulo ng Zimbabwe na si Robert Mugabe, noong September 6 sa idad na 95 taon. Magkakaiba ang damdamin ng kanyang mga kababayan sa pagtingin ng kanyang naging kasaysayan bilang pangulo ng Zimbabwe, na dating Rhodesia.

Prof Sarah: Sabi ng mga matatandang Aprikano, si Mugabe daw ay revolutionary fighter at liberator. Maaari po ba ninyong ibahagi sa ating mga tagapakinig sino po ba talaga si Robert Mugabe. Tutuo ba na naging mahusay na lider siya at rebolusyonaryo?

JMS: Si Robert Mugabe ay totoong revolutionary fighter at lider sa pagpapalaya ng Zimbabwe. Sa kanyang pagpanaw, pinarangalan bilang bayani ng gobyerno at mga mamamayan ng Zimbabwe. Sa matagal na panahon, itinuring siya na bayani at ama ng kanyang bayan laban sa kolonialismo at imperyalismo ng Bretanya at sa white minority rule ng mga Ingles. Taglay niya ang African nationalism at naging tagapangulo ng Non-Aligned Movement, Organization of African Unity at African Union.

Sa ilang panahon, sinikap niyang mag-aral ng Marxismo bilang gabay sa pagpapalaya sa itim na mayorya ng kanyang bayan. Kinulong siya nang sampung taon (1964-74) ng mga kolonyalistang Ingles. Sa paglabas niya ng preso, tumungo sa Mozambique para pamunuan ang sandatahatang pakikibaka ng Zimbabwe African National Union (ZANU) laban sa white minority rule ni Ian Smith ng Rhodesia (dating tawag ng mga Ingles sa Zimbabwe.)

Pumasok siya sa peace negotiations na minungkahi ng Bretanya at natuloy ito sa pagtigil sa sandatahang pakikibaka. Nagkaroon ng general election ng 1980 kung kailan nanalo ang ZANU-Patriotic Front at naging unang Prime Minister ng Zimbabwe si Mugabe mula 1980 hanggang 1987. Naging presidente siya mula 1987 hanggang 2017. Sa kanyang katungkulan, pinalawak niya ang sistema ng health care at public education. Sa umpisa nakipagcompromiso siya sa Bretanya tungkol sa economic policy. Pero itinulak pa rin niya ang dekolonisasyon, laluna sa land reform laban sa mga puting panginoong maylupa.

Prof Sarah: Tinawag din siyang diktador ng maraming Zimbabwean. Marami daw pong pinapatay si Mugabe at siya daw ang dahilan ng pagbagsak ng kanilang ekonomiya. Naging ganid daw siya sa kapangyarihan. Inabot niya ang 37 taon sa pwesto bago siya napabagsak at napaalis sa ng mga militar sa kanilang bayan. Ano ang masasabi ninyo dito, Prof Sison?

JMS: Ang pagkumpiska ng lupa mula sa mga puting panginoong maylupa para ipamudmod sa mga itim na magsasaka ang naging dahilan ng malaking paninira kay Mugabe mula sa minoryang puti, mga kasapakat nilang itim na nasa partido naZimbabwe African People’s Union (ZAPU) at mga pahayagan ng Bretanya at Kanluran. Sinabotahe ng mga imperyalista ang mga eksport ng Zimbabwe at dahil dito napinsala ang ekonomya nito. Pero naligtas ang ekonomiya dahil sa tulong ng mga bansang hindi palasunod sa US at Bretanya.

Pinakamasamang hamon kay Mugabe ang paglunsad ng armadong oposisyon sa kanyang gobyerno. Dito nagkamatayan ng marami. Dinurog ng Fifth Brigade ni Mugabe ang armadong oposisyon sa Matabeland kung saan iniulat na galibu ang nasawi. Gayunman sa mga eleksyon, pinayagan ni Mugabe ang paglahok ng partido ng oposisyon. Hanggang ngayon, buhay na buhay ang mga legal na kalaban niya sa pulitika.

Prof Sarah: Ano ang aral na ating mapupulot sa naging kasaysayan ni Robert Mugabe, Prof Sison? May kabuluhan ba ang kanyang mga ginawa para sa mga Aprikano at sa mamamayan ng daigdig?

JMS. Malaki ang kabuluhan ng ginawa ni Mugabe sa pagpapalaya at pagpapaunlad ng Zimbabwe at sa pagtataguyod ng pagkakakaisa ng mga bansang Afrikano laban sa kolonyalismo, imperyalismo at paghahari ng puting minorya. Sa kabila ng mga tagumpay niya at pagsuporta ng masa, parang hindi niya namalayan ang kanyang pagtanda at pangangailangan na magretiro. Sa edad na 93, gusto pa niyang magpatuloy na presidente ng Zimbabwe pero pinagsabihan na siya ng militar na palitan na siya ng bise presidente. Ang aral dito ay dapat may retirement age at limitasyon sa termino ng mga lider.

Prof Sarah: Noong September 21, 1972 ay pinirmahan ng dating pangulo ng bansa at diktador na si Ferdinand Marcos and Proclamation No. 1081. Isinasaad dito ang paglalagay sa buong bansa sa ilalim ng Batas Militar o Martial Law. Ginawa ito ni Marcos para lalong lupigin ang nag-aalburutong galit ng mamamayan na noon ay nakakaranas na ng matinding pang-aabuso ng mga may kapangyarihan sa bansa. Bagsak ang ekonomiya. Marami ang walang hanapbuhay. Marami ang hindi kumakain sa maghapon at kaliwa’t kanan ang pang-aapi ng mga kapitalista at panginoong maylupa sa mga manggagawa at magsasaka.

Ipinagbawal ang organisasyon ng mga kabataan at guro sa eskwelahan. Ipinasara ang mga publikasyon at tinanggalan ng karapatan sa pamamahayag at ekspresyon ang mamamayan para hindi malaman sa buong daigdig ang nagaganap na karahasan sa bansa.

Marami ang hinuli, tinortyur, pinatay at mga dinukot na hanggang ngayon ay hindi pa nakikita.

Kasama nating muli ngayon si Prof Jose Maria Sison para magbahagi ng kanyang karanasan noong panahon ng Batas Militar.

Prof Sarah: Prof Sison, isa kayo sa mga lumaban noong panahon ng Batas Militar. Ano po ang inyong masasabi sa ginawang ito ni Marcos?

JMS: Tunay na masamang tao si Ferdinand Marcos. Sakim sa kapangyarihan at sa kayamanan. Nagpataw ng batas militar sa bayan para magtayo ng pasistang diktadura at mawalan ng hadlang ang kanyang paglabag sa mga karapatang demokratiko at pantao at gayundin ang kanyang pandarambong sa kabangyaman ng bayan at sa mga proyektong overpriced at kaakibat nitong mga utang sa loob at labas ng bansa.

Noon pa mang 1965, tantiyado na naming nasa mga makabayan at progresibong organisasyon na may balak si Marcos na maging pasistang diktador habambuhay. Dahil dito, determinado kaming magpalakas ng kilusang masa hanggang maitayo ang isang rebolusyonaryong partido at hukbo. Lalong naging halata ang hilig ni Marcos noong 1969 at 1970 na gumamit ng militar para manakot at pumatay.

SR5. Kayo po ay nahuli noong 1977. Sino po ba ang dumakip sa inyo, Philippine Constabulary (PC) o mga sundalo? Paano ninyo hinarap si Marcos at ano ang ginawa nila sa inyo?

JMS: Composite forces ng Philippine Constabulary and dumakip sa akin noong Nobyembre 10, 1977. At pagkatapos ikinulong ako nang matagalan hanggang 1986 sa Military Security Unit ng Philippine Army. Parang gentlemen kami ni Marcos nang magharap. Nagkunwari pa siyang mag-alok ng national unity and reconciliation. Tugon ko na pag-aralan namin kung ano ang mabuti para sa bayan. Nagreklamo pa ako tungkol sa pagdukot at pamamaslang ng militar sa mga aktibista sa Timog Katagalugan.

Nang ibinalik ako sa aking piitan sa MSU sa Fort Bonifacio, ilang araw akong pinupuntahan ng mga imbestigador hanggang Sabado. Halata kong yamot sila na walang makuha sa akin na impormasyong makapagpahamak sa iba. Pagdating nang Sabado at Linggo, ipinailalalin na ako sa physical torture, kabilang na ang pambubogbog at maraming oras ng water cure: paulit-ulit na pagpapaagos ng tubig sa aking ilong hanggang para akong nalulunod.

Prof Sarah: Prof Sison, anong aral ang maibabahagi ninyo sa ating mga tagapakinig bilang isa sa mga naging biktima ng Martial Law?

JMS: Napakasama ang martial law. Lisensiya ito ng presidente bilang commander-in-chief at mga utusan niyang militar na gumawa ng lahat ng human rights violations, kabilang na ang mga abduction, torture, pamamaslang at pandarambong. Dahil sa martial law napakaraming dinukot, desaparesido, tinorture, pinatay at inagawan ng property. Sa pinakamababang estimate, nakapagnakaw si Marcos ng 10 to 15 billion USD.

Prof Sarah: Ngayon naman ay dumako tayo sa panahon ng Pangulong Duterte. Maaari ninyo po bang ipaliwanag muna sa ating mga tagapakinig, ano ang ibig sabihin ng de facto martial law?

JMS: Tulad ng panahon ng pasistang diktadura ni Marcos at tulad sa Mindanao ngayon magmula 2017 may pormal na proklamasyon ng martial law. Pero sa Luson at Bisayas, wala pang ganitong proklamasyon, de facto o sa katunayan meron nang martial law dahil sa aktwal na paggamit ng militar ni Duterte para manakot, manghuli, magtorture at pumaslang sa mga tao nang walang paghapag at pagproseso ng kaso sa harap karampatang husgado ng sibilyan na gobyerno. Sa ilalim ng Executive Order No. 70 ilinalagay ni Duterte ang gobyerno at lipunan sa kanyang kamay na bakal o kanyang militar na instrumento.

Prof Sarah: Napakarami na po ang mga dating pulis at militar na ngayon ay nasa Kongreso, Senado at Malacanang. Pinasok na rin ng Philippine National Police ang mga eskwelahan at unibersidad sa Kamaynilaan para daw supilin ang pagrerekrut ng mga NPA sa mga kabataan. Ito rin daw ay bahagi ng kanilang kampanya ng pagsupil sa mga pinagbabawal na gamot. Ano ang inyong opinyon hinggil sa mga bagay na ito, Prof Sison?

JMS: Ang mga binanggit mo ay pruweba ng de facto martial law. Sa utos ng commander-in-chief, nagiging dominante ang mga militar sa gobyerno at sa lipunan. Pinakikialaman ng militar ang lahat ng bagay para maghasik ng lagim at gumawa ng anumang krimen sa ngalan ng anti-communism at national security.

Prof Sarah: Noong May 23, 2017 ay ibinaba ang martial law sa buong Mindanao. Kasunod nito ay kinansela ng gubyerno ang panglimang round ng usapang pangkapayapaan sa pagitan ng Government of the Republic of the Philippines (GRP) at National Democratic Front of the Philippines (NDFP), na noon ay parehong nasa (The) Netherlands ang mga negosyador. Ano po ang inyong masasabi dito, Prof Sison?

JMS: Magmula sa petsang binanggit mo,, nagproklama ng martial law sa saklaw ng buong Mindanao para umpisahan niyang labanan nang lantaran ang CPP, NPA at iba pang pwersang rebolusyonaryo. Sadyang sinira ni Duterte ang peace negotiations nang sa gayon magawa niyang dahilan ang armed conflict o ang CPP at NPA para magtayo ng pasistang diktadura.

Prof Sarah: Prof Sison, hindi lamang isang taon ang martial law sa Mindanao. Ito ay naextend pa hanggang matapos ang taong 2019. Ano po ba sa inyong pagtingin sa dahilan ng pamahalaan at bakit kailangang ipagpatuloy pa ang martial law sa Mindanao?

JMS: Ipinagpatuloy ang martial law sa Mindanao bilang pundasyon ng de facto martial law sa buong Pilipinas at bilang pundasyon na rin ng pandaraya sa nakaraang eleksyon at anumang susunod na eleksyon. Dominado na ni Duterte ang Kongreso at local governments dahil sa malaking pananakot sa oposisyon at pandaraya sa eleksyon sa Mindanao. Isa pang mahalagang punto, dahil sa martial law sa Mindanao, napadali ang pang-aagaw ng lupa at natural resources mula sa mga kawawang lumad at mga magsasaka.

Prof Sarah: Ano po ang epekto ng martial law sa Mindanao? Sa inyo po bang pagtingin Prof Sison, malulupig ng pamahalaan ang mga rebolusyonaryong pwersa ng CPP/NPA/NDF?

JMS: Sa palagay ko, hindi malulupig ng bulok na gobyerno ang pwersang rebolusyonaryo sa Mindanao. Lalo pang lalakas ang mga ito dahil sa ibayong pang-aapi at pagsasamantala at dahil taglay nila ang tamang linya ng demokratikong rebolusyon ng bayan. At tama rin ang estratehiya nila na pangmatagalang digmang bayan at mga taktika ng digmang gerilya na malawak at masinsinan batay sa malawak at malalim ng suporta ng masang api.

Prof Sarah: Sa September 21 ay aalalahanin ng mamamayang Pilipino ang ika-47 taon ng Batas Militar sa bansa. Ano po ang inyong pabaong mensahe sa ating mga tagapakinig, Prof Sison?

JMS: Mensahe ko sa lahat ng ating kababayan na tandaan ang malalaking krimen ng pasistang diktadura ni Marcos at ipagbunyi ang dakilang pakikibaka ng masang Pilipino at mga makabayan at demokratikong pwersa para ibagsak ang diktadura iyon. Matuto sa karanasan at labanan nang puspusan ang balak at mga hakbang ng tiraniyang Duterte na magpataw ng martial law at pasistang diktadura sa sambayanang Pilipino.

Prof Sarah:

Prof Sison: Nagpapasalamat ako muli kay Prof. Sarah Raymundo at sa lahat ng takapakinig. Mabuhay kayo!

Prof Sarah: Maraming salamat Prof Sison sa isang mayaman at matalas na diskusyon. Maraming salamat sa ating mga tagapakinig.

Apat na pu’t pitong taon matapos ang deklarasyon ng Martial Law ay nahaharap na naman tayo sa malalagim na kundisyon. Mabangis ang gobyernong Duterte at ang galamay nito lalong-lalo na sa mga manggagawa at magsasaka. Tintatakot at pinapatumba rin nito ang mga nagtatanggol sa karapatang pantao at nais magsulong ng kapayapaan.

Tandaan natin, hindi magiging ganito kasahol ang paninikil sa ating mga laya kung wala ring matinding krisis na hinaharap ang ating sistema. Ang gustong mangyari ng mga nasa kapangyarihan ay panatilihin ang umiiral na sistema sa kabila ng krisis. Kaya tinatakot at inaagawan nila ng buhay ang mga nagnanais baguhin ang sistema upang masolusyunan ang krisis. Habang sila ay papahina, nais din nila tayong maging mahina. Kaya’t nararapat lamang na tayo ay humugot ng lakas sa pagtitiwala sa kilusang masa.

Ito po si Sarah Raymundo ng Bagong Alyansang Makabayan at Unibersidad ng Pilipinas. Hanggang sa muli dito sa Itanong Mo Kay Prof.

End

Itanong Mo Kay Prof: Paglalagay sa Panganib sa Mamamayan Hinggil sa Maling Pananaw sa Aktibismo

Panayam kay Prof. Jose Maria Sison, Chair Emeritus ng International League of People’s Struggle, ni Prof. Sarah Raymundo hinggil sa maling pananaw sa aktibismo at paano ito nakakaapekto sa pagturing rito ng mamamayang Pilipino.

Agosto 16, 2019

BAYAN warns against police disinformation as SONA approaches

Bagong Alyansang Makabayan (BAYAN) warned of a disinformation campaign that may be orchestrated by government forces to dissuade people from coming out and joining the protests on President Rodrigo Duterte’s fourth State of the Nation Address (SONA) on June 22.

“Fake news regarding the protest actions and rally organizers are expected to be on overdrive as SONA day approaches,” BAYAN said in a statement today.

The group, one of the organizers of Monday’s United People’s SONA, said the Philippine National Police have warned participants not to bring jackets and backpacks during the rally as a security precaution.

“Protesters see this as unreasonable and may only be intended to sow fear among the public,” BAYAN said.

The group said the organizers expect a generally peaceful yet militant mass action on Monday, with national sovereignty, human rights and the economy as key issues in the protest.

Bayan calls on the Duterte government to respect freedom of speech and the right to peaceably assemble.

“The practice of harassing protesters, attacking human rights defenders and criminalizing dissent should stop immediately,” BAYAN said.

The United People’s SONA will be held at Commonwealth Avenue at three o’clock in the afternoon.

Various groups will however mass up at points along the broad avenue starting at eleven o’clock in the morning.

“After the passage of a crucial UNHRC resolution on human rights the Philippines, the world will be watching how the SONA protests will turn out on Monday,” BAYAN said. # (Raymund B. Villanueva)

Black Friday Protest laban sa ‘dayaang Duterte Magic’ sa Halalan 2019

Isang Black Friday Protest ang isinagawa ng mga progresibong grupo para tutulan ang anila’y naganap na malawakang dayaan at karahasan noong eleksyon ng Mayo 13.

Ayon sa Youth Act Now Against Tyranny, hindi katanggap-tanggap sa kabataan ang resulta ng halalan kung kailan ang mga nominado ni Pangulong Rodrigo Duterte ang karamihan ng mga nananalo. Tiyak na maisusulong lamang ng mga ito ang mga pakana ng pangulo tulad ng ng pederalismo, ayon pa sa mga kabataan.

Para naman sa election watchdog na Kontra Daya, ang eleksyong 2019 ang isa sa pinakamalalang automated elections sa nakalipas na dekada, hindi lamang umano sa maraming pumalpak na vote counting machines, mga sirang sd cards at delay sa transmission ng resulta kundi automated na rin ang paraan ng pandaraya. Kontrolado ng Malacañang ang Commission on Elections sa anumang kahihinatnan ng bilangan, ayon sa grupo.

Itinuring ng Bagong Alyansang Makabayan na isa sa pinakamarumingsa kasaysayan ang naganap na halalan noong Mayo 13. Ginamit umano ng pamahalaan ang tinaguriang “Duterte Magic” para maghasik ng pandaraya, takot at karahasan sa mamamayan upang ipanalo ang mga kandidato nito lalo na sa Senado. (Bidyo ni: Joseph Cuevas/ Kodao)

Groups demand junking of TRAIN Law

Progressive organizations and Partylist groups held protested at the office of Bureau of Internal Revenue in Quezon City Wednesday, February 12, demanding the junking of the Tax Reform for Acceleration and Inclusion Law (TRAIN) and Oil Deregulation Law.

Saying both laws have severely eroded the people’s economic wellbeing, the protesters also demanded an increase in the wages of both private (P750 per day) and public (P16,000 per month) workers.

In his speech, Bagong Alyansang Makabayan secretary general Renato Reyes Jr urged candidates in the coming local and national elections in May to fight for people’s issues.

Makabayan senatorial candidate Atty. Neri Colmenares for his part vowed to push what he calls the people’s agenda if elected in the Senate. He added that he will protect ordinary Filipinos against high prices and taxes. (Video by Joseph Cuevas)

Catholic shrine, activist organizations report police, military ‘harassment’

A revered Catholic Church shrine in Parañaque and a building housing activist organizations in Quezon City complained of harassments Thursday, reporting that police officers and suspected military agents are out to further intimidate institutions and organizations critical of the Rodrigo Duterte regime.

In an alert, human rights group Karapatan said its national officers and staff members observed increased presence of suspected military and police agents within the vicinity of Erythrina Building in Barangay Central in Quezon City since morning.

The building houses Karapatan, National Union of People’s Lawyers, Kodao Productions and Bagong Alyansang Makabayan, among other organizations.

Aside from armed men in civilian clothing surrounding the building, a small Philippine Army truck was seen parked nearby.

Meanwhile, Philippine National Police officers had been swarming the Baclaran Church compound in Parañaque since Wednesday, forcing a bazaar meant to raise funds for indigenous peoples to suspend operations.

Instead of staying at the church gate, the police reportedly insisted on visiting the clergy’s living quarters because of an alleged bomb threat.

Baclaran Church, formally known as The National Shrine of Our Mother of Perpetual Help, is known to regularly host indigenous peoples who suffer forced evacuation by the military.

The Redemptorist priests administering the shrine has yet to issue a formal statement but has reportedly asked the police to stay outside the church gate.

A police car in front of Erythrina Building. (Photo by Jinky Mendoza-Aguilar/Kodao)

Karapatan blamed the activities on President Duterte’s latest tirade against human rights defenders.

“We are warning government forces – stop harassing rights defenders, lawyers and alternative media practitioners; and do not plant evidence in our offices. We shall make you accountable in different fora in time,” Karapatan secretary general Cristina Palabay said.

Karapatan later reported that suspected military and police agents circling the area have already left as of seven o’clock in the evening.

“We attribute this temporary respite to the vigilance of NUPL lawyers, human rights workers and staff members of Karapatan, Bayan and Kodao Productions, and allied lawyers and members of the media who responded to the call to monitor the increased presence and activity of suspected military agents and police in our offices,” Palabay said.

Karapatan said it will remain vigilant and defiant against any attempt to intimidate and harass their ranks as well as all human rights defenders and communities who bear witness to the Duterte regime’s repressive policies. # (Raymund B. Villanueva)

 

Protest greets Xi Jinping visit

Various groups held a mass action at the Chinese consulate in Makati City last Tuesday (November 20) to denounce the visit of Chinese President Xi Jinping as they expressed outrage against the Rodrigo Duterte government for its subservience to the Chinese government.

The Pilipinong Nagkakaisa Para sa Soberanya o P1NAS called Duterte a traitor to the Pilipino people as it pointed out that his government is virtually surrendering Philippine territory in the West Philippine Sea to China.

Even after losing in an international tribunal that determined the disputed areas are part of the Philippine exclusive economic zone three years ago, China refuses to recognize the decision  proceeded to militarize some islands.

China’s presence in the area includes so-called “ joint development” schemes with the Duterte government seen as a  weakening of the Philippine claims.

In the said rally, Bagong Alyansang Makabayan (BAYAN) expressed concern that Duterte’s economic deals with China may push the Philippines under deeper debt.

In his visit to the Philippines, Xi took home 29 agreements, including an understanding on joint oil exploration in the West Philippine Sea and the construction of mega dams, including the Chico River Pump Irrigation, the New Centennial  Water Source Kaliwa Project, and the Agus-Pulangi Mega Dam project.

Indigenous peoples earlier raised fears that the China-ODA projects will cause their displacement from their lands and livelihood.

“Pawning our lands to an imperialist country like China is a serious crime that may lead to ethnocide,” Kalipunan ng Katutubong Mamamayan ng Pilipinas said. # (Joseph Cuevas)

Activists hold relief operation in Rizal

The Makabayan bloc, Bagong Alyansang Makabayan and other activist organizations organized a Bayanihan Alay sa Sambayanan (BALSA) relief operation for flood victims in Rodriguez, Rizal last Thursday, August 16.

Beneficiaries of the two-day relief operations were former residents of urban poor communities in Metro Manila who were located by government to the province, but in flood-prone areas.

UNITED PEOPLE’S SONA 2018: ‘Walang forever na diktador!’

Tens of thousands of protesters filled the main avenue leading to President Rodrigo Duterte’s third State of the Nation Address last July 23, 2018.

The march and protest rally, dubbed the broadest SONA protest against arroyo gathered groups from many political colors and stripes, leading Bagong Alyansang Makabayan secretary general Renato Reyes Jr. to quip that they should thank Duterte for uniting them.

Former Bayan Muna Representative Neri Colmenares’ speech was greeted with cheers when he announced that Duterte’s address had been delayed due to the tug-of-war for the Speakership of the House of Representatives.

‘Basher’ ng lider ng Bayan, humingi ng tawad

Binisita ni Gabriel Ilano, may ari ng Facebook account na nagpost ng pekeng kwento tungkol kay Renato Reyes Jr., ang lider-masa upang humingi ng tawad Hwebes ng hapon, Hulyo 26.

Humingi ng dispensa si Ilano sa naturang post at nilinaw nito na na-hack lamang ang account niya at hindi siya ang gumawa. Wala umano siyang galit kay Reyes.

Nagpasalamat naman si Reyes sa matapang na pagharap ni Ilano. Inahayag din nito na may kaukulang kaso ang pwedeng isampa sa kung sino man ang may kagagawan ng pang-hahack at pati na rin sa nagpakalat ng post na ito.

Sa pakikipagtulungan kay Atty. Krissy Conti, nagpasya ang dalawang grupo na magsasampa sila ng kaso sa mga nagpakalat ng kasinungalingan laban kay Reyes para hindi na maulit pa ang ganitong pangyayari.