Posts

ITANONG MO KAY PROF: Podcast on the Congress hearing on the Mamasapano incident

/in , , /by

Panayam ng Kodao Productions kay Prof. Jose Maria Sison hinggil sa naganap na Congress hearing tungkol sa Mamasapano incident.

ITANONG MO KAY PROF
April 9, 2015

1. Sa kabuuan, ano po ang inyong masasabi sa katatapos pa lang na hearing sa Kongreso hinggil sa Mamasapano incident?

JMS: Lalong lumiliwanag na si Aquino ang nag-utos na isagawa ang Oplan Exodus at siya rin ang nag-authorize sa suspendidong Heneral na Purisima bilang kasama niya sa pagmando kay Napeñas at inako nilang dalawa ang koordinasyon sa loob  ng PNP at sa AFP.

Nagtaksil si Aquino sa mga pinaslang na 44 na police commando dahil hindi siya kumilos para iligtas ang mga ito magmula nang 7 a.m. hanggang 12 noon kung kailan naipit at napalaban ang SAF 44 hanggang naubos.

Tama ang sabi ni Napeñas na si Aquino at Purisima ang dahilan ng kawalan ng saklolo at pagkamatay ng SAF 44. Tama rin ang pagtutuon ni Congressman Neri Colmenares sa katotohanan na hindi kumilos ang commander-in-chief para iligtas ang mga pinaslang.

2. Nabasa nyo po ba ang 20 tanong na inihanda ng Makabayan bloc para sa Congress hearing? Bakit po kaya hindi ito sinang-ayunan ng nakararaming kongresista na ipadala man lamang sa palasyo para mabasa ng pangulo at bahala na siya kung sasagutin niya ang mga ito o hindi?

JMS: Binasa ko nang masinop ang 20 tanong. Tama ang panimulang tanong kung bakit inauthorize ni Aquino si Purisima na magcommand kay Napeñas. Tama ang tanong kung bakit si Aquino ay walang ginawa para pakilusin ang Army at iligtas ang mga kawawang police commando. Tama ang tanong kung bakit hindi nag-utos si Aquino ng fly over sa maisan.Tama ang tanong tungkol sa pag-utos ng US kay Aquino.

Ang mga kongresista na nagharang sa 20 tanong ay naglantad sa sarili bilang mga utusan at kasabwat ni Aquino sa katiwalian. Alam naman ng sambayanan na mga 90 por syento ng Lower House ay mga garapal na magnanakaw sa pork barrel.

3. Ano po kaya ang nagtutulak kay Pnoy na umiwas sa mga pagtatanong hinggil sa kanyang responsibilidad sa Oplan Exodus? Magkakaroon po ba kaya ng magandang bunga ang Congress hearing kahit wala ang pangulo?

JMS: Ayaw ni Aquino na sagutin ang 20 tanong dahil lalong malalantad ang kriminal na pananagutan niya sa pagpaslang sa mga mga police commando ng SAF gayundin sa kanyang pagsisinungaling sa bayan. Ayaw din ni Aquino na lalong malantad ang pag-utos ng US sa kanya.

Mahirap sabihin na makakagawa ng final report ang Lower House para ilantad ang buong katotohanan at pananagutin si Aquino dahil mayorya sa Lower House ang mga  kasabwat ni  Aquino sa pangungurakot, mas malamang na white wash or yellow wash ang mangyayari.

4. Sa panahon ng mga pagtatanong hinggil sa kondukta ng dapat ay tulungan na nangyari sa pagitan ng PNP-SAF at AFP, para mailigtas ang SAF 44, meron pong ilang magkakaibang paliwanag ang dalawang pwersa ng pamahalaan na maaaring mauwi sa matinding di pagkakaunawaan kung ito ay isasawalang bahala lamang. Ano po ang inyong pagtingin sa bagay na ito?

JMS:  Maliwanag naman na si Aquino ang may kasalanan dahil sa stand down order niya. May utos siyang huwag saklolohan ang SAF 44 para iwasan daw ang labanan ng Army at MILF. Isa pa, nabuwisit si Aquino sa SAF dahil nakatakas si Usman. Naging dahilan na ito para maging mababaw ang pansin ni Aquino sa mga update at hindi na niya sapol ang kalagayan na mauubos na yong SAF 44.

5. Ano po ang inyong masasabi sa partisipasyon ng Magdalo Party List sa Congress hearing ng Mamasapano?

JMS:  Malamang na susundin nila ang pagsipsip kay Aquino, tulad ng ginagawa ni Trillanes sa Senado at sa press releases niya.  Itatambak nila kay Napeñas at SAF ang sisi sa pagkapaslang ng mga kapwa nilang SAF.

6. Ano po ang inyong pagtingin sa kahihinatnan nina Purisima at Napeñas sa imbestigasyon ng nabigong Oplan Exodus?

JMS: Baka sa katapusan, sina Purisima at Napeñas at SAF lang ang babatikusan ng final report ng Lower House.  Posible ring si Napeñas lamang ang tatambakan ng sisi dahil sa kung pananagutin nila si Purisima magiging tampok din ang katotohanan na si Aquino ang may pinakamabigat na kasalanan.

Si Aquino ang  nag-authorize sa isang suspendidong heneral na maging taga-utos kay Napeñas.  Hindi niya inisip na wala sa katayuan si Purisima na makipagcoordinate sa loob at labas ng PNP.  At kriminal na nagpabaya naman si Aquino kahit siya na ang umako sa koordinasyon bilang commander-in-chief.

ITANONG MO KAY PROF: Podcast on the US war on terror (Part 4)

/in , , /by

Panayam ng Kodao Productions kay Prof. Jose Maria Sison hinggil sa war on terror ng US.

February 17, 2015

5. Bakit po kaya sinasabing makapangyarihan ang US sa lahat ng mga bansa sa daigdig? Hindi po ba talaga maaaring tumutol ang isang bansa kung ayaw nila sa mga polisyang pang-ekonomiya na inilalako ng US sa kanila?

JMS: Makapangpayarihan ang US hindi lamang dahil sa monopolyo kapital nito kundi dahil sa malaking lakas militar nito, laluna ang kanyang hightech military equipment.

6. Madalas pong sangkot ang US sa mga gerang agresyon partikular sa ilang mga bansa sa Middle East, hindi po ba nauubos talaga ang kanyang mga gamit pandigma? Hindi po ba nagagalit ang mamamayang US sa ginagawa ng kanilang pamahalaan?

JMS: Ginagawang negosyo ng US ang paggawa ng mga military equipment at ginagamit nito ang mga kagamitan na ito para sa mga gerang agresyon para mangibabaw sa mga bansang may malaking likas yaman, laluna sa gas at langis. Pero magastos ang gera, masyadong magastos at itinataya ang kabang yaman ng bayan at buhay ng mga sundado. Sa agresyon ng US sa Irak at Afghanistan, naglustay ang US ng higit na 4 na trilyong dolyar at libu-libong buhay ng mga Amerikano. Kung gayon, nagagalit ang masang Amerikano sa paglustay sa malaking pera ng bayan at buhay ng mga Amerikano.

7. Maaari po ba kayong maghalimbawa ng bansang lumaban na sa US at nagwagi.

JMS: Lumaban sa US at nagwagi ang mga mamamayan ng Korea, Cuba, Byetnam, Kambodya at Laos.

(Photo from http://commons.wikimedia.org/)

ITANONG MO KAY PROF: Podcast on the US war on terror (PART 3)

/in , , /by

Panayam ng Kodao Productions kay Prof. Jose Maria Sison hinggil sa war on terror ng US.

February 17, 2015

3. Ano po ba ang relasyon ng Pilipinas sa US at bakit sinasabing sunudsunuran si Aquino sa US?

JMS: Ang Pilipinas ay malakolonya ng US. At ang gobyerno sa isang malakolonya ay papet lamang sa US. Kung gayon, tinatawag na papet at sunudsunuran ang presidente na si Aquino.

4. Ano po ang ganansya ng US sa kanyang pakikialam sa ekonomiya at pulitika ng mga bansa sa Middle East at Asya?

JMS: Malaki ang ganansya ng US sa pakikialam nito sa ekonomya at pulitika ng Middle East. Kinokontrol, dinadambong at pinagkakatubuan ng US ang mga likas na yaman (laluna ang gas at langis), ang palengke at larangan ng pamumuhunan.

(Photo from Philstar.com)

ITANONG MO KAY PROF: Podcast on the US war on terror (Part 2)

/in , , /by

Panayam ng Kodao Productions kay Prof. Jose Maria Sison hinggil sa war on terror ng US.

February 17, 2015

2. Bakit po ipinapaloob ang “Mamasapano incident” sa war on terror po ng US?

JMS: Ang Mamasapano incident tungkol daw kay Marwan, isang tao mula Malaysia at kanyang kabig na Moro. Sinasabi ng US na nakapaloob si Marwan o kaya ang Mamasapano incident sa war on terror para lamang ipaggumiit ng US na may lisensyang makialam sa Pilipinas at mag-utos kay Aquino, Purisima at SAF.

ITANONG MO KAY PROF: Podcast on the US war on terror (Part 1)

/in , , /by

Panayam ng Kodao Productions kay Prof. Jose Maria Sison hinggil sa war on terror ng US.

February 17, 2015

1. Ano po ba ang ibig sabihin ng US war on terror?

JMS: Sa tinawag ng US na war on terror, sinasabi ng US na ito ay perpetual at borderless, walang hangganan sa panahon at teritoryo at walang depinidong estado na kalaban ng US. Basta ipinapalagay ng US na kalaban niya sa gera ang alinmang maliit na pulutong na sinasabing terorista sa anumang bahagi ng daigdig at ginagawang lisensiya ito para manghimasok ang US sa anumang bansa.

Ito ay pakunwaring gera at kathang isip lamang ng US na inumpisahan ni Bush magmula 9-11. Hindi gera ito na nakabatay sa depinisyon ng gera sa ilalim ng international law. Sa tunay na gera ng mga estado may deklarasyon ng gera mula sa isa o magkabilang panig o kaya sa isang gera sibil ng nakatayong estado at kilusang rebolusyonaryo may deklarasyon ng gera mula sa isa o magkabilang panig. Kung ang isang maliit na grupo ay gumawa ng krimen, tinutugis ito bilang isang police matter at hindi bilang isang matter of war sa pagitan ng mga hukbo.

ITANONG MO KAY PROF: Podcast on the senate hearing on the Mamasapano encounter (Part 3)

/in , , /by

Panayam ng Kodao Productions kay Prof. Jose Maria Sison hinggil sa naganap na senate hearing tungkol sa Mamasapano encounter.

February 10, 2015

3. Mararamdaman ang galit at biased na kaagad na pagtingin ni Senator Alan Peter Cayetano laban sa MILF at BIFF at gusto pa niyang pag-awayin ang dalawang grupo para patunayan ang sinseridad sa usapang pangkapayapaan ng MILF sa pamahalaan. Sinabi rin niyang kinakanlong ng mga grupong ito si Marwan. Ano po ang inyong masasabi dito?

JMS: Malamang na sumasakay si Cayetano sa Christian chauvinism o sa mga ready-made bias laban sa mga Muslim. Pero kailangang magpaliwanag ang MILF at BIFF kung si Marwan ay kinukupkop nila. Sa personal na tingin ko, mahirap na sabihin na naroon si Marwan sa Mamasapano dahil walang corpus delicti o bangkay ni Marwan ngayon. At malamang na nagsisinungaling ang FBI tungkol sa DNA analysis para lamang tulungan nito ang propaganda ni Aquino.

Tanggap naman ng FBI na wala silang sample ng DNA ni Marwan mismo kundi ng mga supposed relatives niya. Sabi ng MNLF na nasa Lanao si Marwan at wala siya sa baryo ng Mamasapano na sinalakay ng SAF. Siyanga pala, bale sina Aquino, Purisima at SAF ang sumalakay sa baryo ng Mamasapano. Sabi pa ni Napeñas na SAF ang nagmasaker ng 250 katao sa Mamasapano. Paanong may kasalanan ang MILF. Hindi pwede.

ITANONG MO KAY PROF: Podcast on the senate hearing on the Mamasapano encounter (Part 2)

/in , , /by

Panayam ng Kodao Productions kay Prof. Jose Maria Sison hinggil sa naganap na senate hearing tungkol sa Mamasapano encounter.

February 10, 2015

2. Parang maaabswelto pa yata si Purisima bilang operator ng
Oplan Exodus at madidiin ng husto si Napeñas. May komento po ba kayo sa bagay na ito?

JMS: Si General Napeñas talaga ang piniling maging fall guy para pagtakpan ang responsabilidad nina Purisima at Aquino. Pero nasabi na niya dati na si Purisima ang nasa command at calling the shots mula sa kanyang White House sa Camp Crame. Sabi rin niya sa Senado na si Purisima ang nagdala sa kanya kay Aquino sa Pangarap (house niya). Kalokohan talaga na pinalilitaw ng mga alipures ni Aquino sa Senado at media na walang pananagutan sina Aquino at Purisima.

(Photo/Gen.Purisima?Interaksyon.com)

ITANONG MO KAY PROF: Podcast on the senate hearing on the Mamasapano encounter

/in , , /by

Panayam ng Kodao Productions kay Prof. Jose Maria Sison hinggil sa naganap na senate hearing tungkol sa Mamasapano encounter.

February 10, 2015

1. Sa senate hearing kanina, malaking pansin na wala sinuman sa
mga heneral ng PNP, SAF at AFP na nagtukoy na kasama nila sa operasyon sina President Noynoy Aquino at ang US, o kung ang mga ito ay may papel sa Mamasapano encounter. Ano po ang inyong pagtingin sa ganitong kaisipan ng mga kasundaluhan at kapulisan ng pamahalaan?

JMS: Ang US ang nagmamando kay Aquino mismo sa pinakamataas na antas. At si Aquino naman ay sadyang umakto sa labas ng chain of command ng PNP at AFP. Sapat na sa kanya na si Purisima at Napeñas ang inuutusan niya. Siya lang ang makakapagpakilos sa suspendidong PNP chief na Purisima at halos 400 kawal ng SAF nang walang pakialamanan ang PNP officer in charge na si General Espina.

Si Aquino at Ochoa ang madalas na may contact sa mga Amerikano na nasa Joint Staff. Nasa US drone command base sila sa Zamboanga City. Lantaran ang pakialam ng US sa Oplan Wolverine o Exodus. Binalak at ginawa ang oplan sa balangkas ng tinaguriang war on terror ng US. Ang US ang naghahabol kay Marwan at may alok pang malaking reward money. Merong US drone na nagsubaybay sa assault team. May Amerikanong namatay sa operation. At Evergreen helicopter ng CIA at mga American officers ay kitang kita sa retrato ng retrieval operation sa mga patay at sugatan ng SAF.

(Photo/Gen.Napenas/Interaksyon.com)

ITANONG MO KAY PROF: Podcast on people’s sentiments against Mamasapano operators

/in , , /by

Panayam ng Kodao Productions kay Prof. Jose Maria Sison hinggil sa damdamin ng mamamayan sa Mamasapano encounter

February 6, 2015

1. Kagaya ng dapat asahan sa sinapit ng SAF 44, nahahati ngayon ang saloobin ng mga pamilya at kaibigan ng mga nasawi. Hindi pa rin malaman ng mga tao ano ang tunay na saloobin ng mga natira pang SAF commandos dahil nang humarap si Pnoy sa kanila ay wala man lang kumibo kahit isa. Ano ang inyong obserbasyon hinggil ditto?

JMS: Natural na galit ang mga kawal at opisyal ng SAF kay Aquino. Alam na alam nila na si Aquino at si Purisima ang nagbigay ng go-signal sa pagpasok ng SAF sa teritoryo ng MILF. Alam din nila na si Aquino ang nagbigay ng stand down order para hindi matulungan ng 315 SAF ang mga napalaban na 77 SAF.

2. Ano po ang inyong masasabi sa mga nananawagan na magbitiw na sa pwesto ang pangulo? Sa inyong pagtingin, gagawin po ba ito ni Noynoy?

JMS: May malakas na katwiran ang mga nagdedemanda ng resignation ni Aquino. Dapat managot siya sa mga krimen niya. Habang nagtatagal na presidente si Aquino, marami pang krimen ang magagawa niya, sa korupsyon at abusadong paggamit ng pwersang militar. Syempre, ayaw magresign si Aquino. Pero sapilitang magresign na siya kung napakalakas na ang mga kilos masa laban sa kanya. Posibleng mas gustuhin niya na magresign kaysa mapatalsik na basag ang ulo niya.

ITANONG MO KAY PROF: Podcast on Pnoy and Purisima’s role in the Mamasapano tragedy

/in , , /by

Panayam ng Kodao Productions kay Prof. Jose Maria Sison hinggil sa papel nina Presidente Noynoy Aquino at General Alan Purisima sa Mamasapano tragedy.

1. Ano po sa inyong pagtingin ang krimen nina Aquino at Purisima
kung meron man, sa naganap na Mamasapano encounter? May pagtingin po kasi ang mga tao na sila ay magkaibigang matalik at mahihirapan na idiin ng isa ang isa sa kasalanan nito sa SAF 44.

JMS: Dahil lamang sa utos at tulak ng mga Amerikanong imperyalista, hindi na nakapag-isip nang matino si Aquino. Krimen ni Aquino na ginamit niyang planner at implementer ng Oplan Wolverine ang suspendidiong PNP chief na si Purisima. Krimen nilang dalawa na ipinahamak nila ang SAF dahil sa walang koordinasyon sa MILF, sa PNP central command, sa Army at sa Air Force. Isinubo nila ang mga biktima sa tiyak na kamatayan. Gugulatin mo ba ang mga waring tulog na may baril sa sarili nilang baryo? Tiyak na makikipagbarilan ang mga iyon.

2. Nagresign daw si Purisima sa serbisyo o sa pagiging PNP chief. Pero sinasabi naman niya na hindi siya nagkocommand at wala siyang kasalanan. Bakit po kaya siya nagresign kung wala siyang kasalaman?

JMS: Nagresign na si Purisima dahil naramdaman na niya ang galit ng bayan at isip din niya na sa pagresign titigil ang mga protesta ng masa at siya naman ay mababalik sa pwesto kung magtestigo ang mga kabig niya sa SAF na hindi siya nagcommand sa Oplan Wolverine kundi si Napeñas lamang. Si Aquino naman ay pakunwaring tumatanggap ng responsabilid dahil akala niyang paraan lamang ito para tumigil ang mga kilos protesta.