Video is one of Kodao’s core programs. Watch our newsreels, documentaries and livestreams here.
Sa paggunita ng mga aktibistang grupo sa ika-48 na anibersaryo ng Batas Militar, inihambing ni Atty Neri Colmenares ang pagkakapareho ng diktadurya ni Ferdinand Marcos at kasalukuyang gubyerno ni Pangulong Rodrigo Duterte. Biktima ng torture noon si Colmenares at biktima pa rin siya ng pang-uupat ng gubyerno ngayon. (Bidyo ni Jek Alcaraz/Kodao)
Sa pagkilos ng mga kabataan sa harap ng Commission on Human Rights sa ika-48 anibersaryo ng martial law noong nakaraang Lunes, Setyembre 21, nagpahayag si Regina Tolentino, deputy secretary general ng College Editors Guild of the Philippines o CEGP, na nais ipagpatuloy ng mga kabataan ang pakikibaka noong panahon ng batas militar.
Ito aniya ay dahil walang pinag-kaiba ang kasalukuyang rehimen ni Pangulong Duterte sa panahon ni Marcos sa isyu ng karapatang pantao at usaping panlipunan.
Nag-rali ang mga kasapi ng Makabayan Bloc sa Batasan noong Lunes, Setyembre 14, upang tutulan ang anila’y napakalaking badyet ng tanggapan ni Pangulong Rodrigo Duterte samantalang mababa ang badyet para sa kalusugan sa gitna ng krisis ng coronavirus.
Ang pagkilos ay kasabay ng deliberasyon ng House of Representatives Committee on Appropriations sa lampas walong bilyong piso para sa Office of the President sa susunod na taon, higit kalahati nito ay intelligence fund na maaring hindi na iulat sa Commission on Audit. Buong-buong inaprubahan kalaunan ang badyet ng pangulo.
Human rights group Karapatan unfurled a giant “Stop the Killings” banner at the Commission on Human Rights’ Liwasang Diokno in Quezon City as the United Nations Human Rights Council (UNHRC) opens its 45th session today, September 14, in Geneva, Switzerland.
The group reiterates its call for an end to the Duterte government’s extrajudicial killings and for the UNHRC to investigate rampant human rights violations in the Philippines.
Nagprotesta ang mga progresibong grupo at mga dating biktima ng batas militar sa Bantayog ng mga Bayani, Setyembre 11, bilang pagtutol sa pagsasabatas na gawing modelo at holiday ang kaarawan ng dating diktador na si Pangulong Ferdinand Marcos.
Ayon sa Campaign Against the Return of the Marcoses and Martial Law, tahasang pagsalaula sa kasaysayan ang batas laluna sa mga lumaban at nagpatalsik sa dating diktadura. Ipinapakita din nito anila na walang pinag-iba ang kasalukuyang rehimen ni Pangulong Duterte at dating Pangulong Marcos pagdating sa paglapastangan sa karapatan at kabuhayan ng mamamayan.
Isang pagkilos sa Bantayog ng mga Bayani sa Quezon City ang isinagawa noong Lunes, Agosto 31, bilang paggunita sa Araw ng mga Bayani gayundin ay pagbibigay-pugay sa mga martir ng sambayanang Pilipino.
Kinilala sa nasabing pagkilos ang mga frontliner na nasawi laluna ang mga manggagawang pangkalusugan dahil ng pandemya na COVID-19.
As the country commemorates National Heroes Day today, August 31, progressive groups honor the heroes of the people’s struggles and those martyred by the Rodrigo Duterte regime with this music video.
The song was based on the poem written by Jose Maria Sison “What Makes a Hero.” The music was composed by Danny Fabella and sung by Rica Nepomuceno.
Sinubukang pasukin ng mga guwardiya ang isang pamayanan sa Calamba, Laguna mula Agosto 22 hanggang 24. Armado ng armalayt at shotgun, sinubukang harangin ng kababaihan at nakatatandang magsasaka ang mga guwardiya na humantong sa panunutok at pagbabantang pamamaril.
Ang Hacienda Yulo ang 7,000 ektaryang nasa mga syudad ng Calalmba, Cabuyao at Sta. Rosa sa naturang probinsiya na taniman ng tubo na dating pagmamay-ari ng Pamilyang Yulo. Kahit napasailalim na ito sa land reform, ibinenta pa rin ito sa Ayala Land Inc.
Nananawagan ang Amihan, ang pambansang pederasyon ng kababaihang pesante sa Commission on Human Rights ng agarang imbestigasyon sa insidente.
(Bidyo ng Kasama Timog Katagalugan-Kilusang Magbubukid ng Pilipinas)
Nagbigay-pahayag si Rep. France Castro ng Makabayan Bloc kaugnay ng nilulutong ‘revolutionary government’ ng mga taga-suporta ni Pangulong Duterte nitong nakalipas na linggo.
Ginanap sa Metro Manila ang isang ‘Global Day of Action for Justice’ sa Bantayog ng mga Bayani sa Quezon City noong Agosto 19 na ang panawagan ay hustisya sa mga biktima ng pagpaslang laluna sa mga aktibista.
Binatikos ng mga progresibong grupo ang gobyerno na siyang tumatarget sa mga aktibista. Pinakahuli na dito ang pagpatay sa human rights worker na si Zara Alvarez ng Karapatan-Negros noong Agosto 17.
Noong nakaraang linggo ay pinatay naman ang Anakpawis National Chairperson at National Democratic Front consultant na si Randall ‘Ka Randy’ Echanis.