Video is one of Kodao’s core programs. Watch our newsreels, documentaries and livestreams here.

Sitio San Roque: Bigas hindi dahas

/in /by

Nagsagawa ang mga miyembro ng Kalipunan ng Damayang Mahihirap (KADAMAY) ng Sitio San Roque, Barangay Bagong Pag-asa, Quezon City ng isang maikling programa. Ito ay matapos na pagdadamputin at ikulong ang 21 na residente ng nasabing lugar dahil sa isinagawa nilang kilos-protesta.

Naganap noong Abril 1 ang kilos-protesta ng mga residente ng Sitio San Roque na myembro ng Sandigan ng Maralitang Nagkakaisa (SaMaNa). Ang panawagan ng grupo ay bigyan sila ayuda. Simula pa noong Marso 15, pagsisimula ng lockdown, wala pa ring nakukuhang tulong ang mga nagprotestang residente mula sa pamahalaan.

Kinundena ng KADAMAY ang nangyaring marahas na dispersal. Ang mga myembro rin nila mismo sa Sitio San Roque ay nananawagan din ng tulong mula sa gobyerno. Binigyang-linaw din nila na hindi nila myembro ang mga nagprotestang residente.

Bidyo nila Jola Diones-Mamangun, Arrem Alcaraz, Joseph Cuevas, Sanafe Marcelo, Jo Maline Mamangun, at Reggie Mamangun

Music: News – AShamaluevMusic.
Music Link: https://youtu.be/0uoc-FiwMD4

Ang mga health worker sa panahon ng COVID-19

/in /by

Inilahad ng mga manggagawang medikal ng National Kidney and Transplant Institute ang kanilang sitwasyon sa pakikipaglaban sa global pandemic na COVID-19.

Ipinahayag nila ang kahalagahan ng pagkakaroon ng free mass testing sa bansa na anila ay dapat isinasagawa sa mga hospital worker at hindi sa mga VIP. Inilahad nila na may mga pasyente na napapauwi na bago pa dumating ang mabagal na resulta ng test. May namamatay na pasyente sa ganitong sistema, ayon sa kanila.

Panawagan nila sa gobyerno na dagdagan ang benepisyo at insentibo sa mga manggagawang medikal lalo na ngayon na nakikita ang panganib na sinusuong nila sa mga panahong tulad ng sa kasalukuan. (Panayam ni Jek Alcaraz)

BAYAN demands freedom of all political prisoners

/in /by

Bagong Alyansang Makabayan (BAYAN) joined UN High Commissioner on Human Rights Michelle Bachelet’s call for the freedom of all political prisoners in the time of the corona virus disease (Covid-19) pandemic to save them from possibly contracting the virus in the often crowded and inhumane conditions of jails worldwide, especially in the Philippines. The action was also in response to the online campaign of human rights group Karapatan this 7-8 pm ofTuesday, March 31.

Amid the intensifying dangers presented by the Covid-19 pandemic, Karapatan and other human rights groups as well as religious leaders called on the Rodrigo Duterte the government to free the more than 500 political prisoners in the Philippines. They also called for the release of other prisoners, especially the elderly, pregnant, women and nursing mothers and those who are due for parole or pardon. # (Jek Alcaraz)

“Babangon Tayo (We Will Rise)”

/in /by

by Concerned Artists of the Philippines

https://www.facebook.com/artistangbayan/videos/2494585867469199/

Official lyric video for “Babangon Tayo (We Will Rise),” an original composition of the Concerned Artists of the Philippines released in the midst of the COVID-19 pandemic, March 2020. This song is a tribute to our frontliners, and the power of the Filipino people.

—

Concerned Artists of the Philippines (CAP) is a Filipino organization of artists and cultural workers committed to advancing freedom of expression and the people’s movement for justice, nationalism, and democracy.

Subscribe to CAP on YouTube: https://www.youtube.com/channel/UCoLbDUeKtQwRSzRkNH1l_UQ/…
Follow CAP on Facebook: http://www.fb.com/artistangbayan
Follow CAP on Instagram: https://www.instagram.com/concernedartists_ph/
Follow CAP on Twitter: https://twitter.com/artistangbayan

—

Babangon Tayo (We Will Rise)
Words: Joel C. Malabanan, Edge Uyanguren, Karl Castro
Music: Mrk. Estandarte
Vocals: Jessa Mae Gabon, Pia Pimentel, Edge Uyanguren
Violin and additional backing vocals: Jing Reyna Jorge
Acoustic guitar: Pats Loquinario
Recording: #StayAtHome

Video by Pao Sancho and Maria Estela Paiso
Animation by Jether Amar
Special thanks to Jewel Maranan and Cinema is Incomplete

Download chords (PDF) here

Ang lockdown at ang Barangay Pinyahan

/in /by

Ikinwento ng ilang mga residente ng Brgy. Pinyahan, Quezon City ang kanilang sitwasyon ngayong may lockdown sa buong Metro Manila.

Ang tatlo sa kanila ay solo parent, dalawa rito ang manggagawa. Habang ang dalawa naman ay parehong may sakit. Hiling nila na tulungan ang lahat ng Pilipino sa ganitong sitwasyon.

Marso 26, 2020

Bidyo nila Jola Diones-Mamangun, Arrem Alcaraz, Jo Maline Mamangun, Sanafe Marcelo, at Reggie Mamangun

Music Info: AShamaluev

Music – Nostalgy. Music Link: https://youtu.be/_DA0mdtL-jI

Kalampag sa gobyerno ng mga taga-Brgy. Holy Spirit, Quezon City

/in /by

Naglunsad ng noise barrage ang isang komunidad sa Brgy. Holy Spirit sa Quezon City bilang pakikiisa sa sabayang protesta na “Kalampagin ang Gobyerno”, Marso 25, 2020.

Panawagan nila ang agarang ayuda para sa mga nasalanta ng pandemya na CoViD-19 at pagsasagawa ng sistematiko, libre at malaganap na mass testing.

Tinututulan din nila ang emergency powers na ibigay ng Kongreso kamakailan para kay Pangulo Duterte na anila ay sobra-sobra na at tanging aksyong medikal ang solusyon laban sa CoViD-19.

Bidyo nila Jola Diones-Mamangun, Jek Alcaraz at Joseph Cuevas/Kodao

Ang mga Tsuper sa Gitna ng Lockdown

/in /by

Dalawa lamang sina Tatay Leon at Tatay Diosdado sa mga tsuper na apektado ng tigil-pasada dahil sa lockdown.

Nagsimula ang lockdown sa buong Metro Manila noong Marso 15. Ito ay para pigilan ang pagkalat ng COVID-19 sa bansa. Kaugnay nito ang pagbabawal sa mga pampublikong transportasyon na mag-operate. Tinatayang nasa 75,000 ang bilang ng mga nakarehistrong jeepneys sa Metro Manila lamang.

Giit ni Tatay Leon na dapat mag-isip ang pangulo kung paano matutulungan ang mga Pilipinong walang trabaho dahil sa lockdown. Simula pa noong lunes, Marso 16, tigil-pasada na ang mga jeepneys at hirap ang mga tsuper sa paghahanap ng makakain.

Naganap ang panayam noong Marso 20.

Bidyo nila Jola Diones-Mamangun, Arrem Alacaraz, Reggie Mamangun at Jo Maline D. Mamangun

Music Info: Dramatic Emotional – AShamaluevMusic.

Music Link: https://youtu.be/il9HGo4hPjI

Mga pamilyang apektado ng demolisyon, wala pa ring nakukuhang aksyon

/in /by

Sa kabila ng banta sa kalusugan ng mga mamamayan, nananatili pa rin sa labas at walang masilungan ang 107 mga pamilya sa Sampaloc, Manila.

“Sabi ng (gubyerno) pumasok sa bahay, saan kaming papasok na bahay? Dati may kubo kami, sinira lang nila, tas ngayon tinatanong namin, saan namin patutulugin ang mga bata?”, ani ni Benjie Subillano, isa sa mga nawalan ng tirahan dahil sa demolisyon.

Dinimolish ng pamahalaan, nitong nagdaang buwan, ang mga bahay sa gilid ng kalsada sa Barangay 432, Sampaloc, Manila. Ito ay sakop ng clearing operation na isinagawa sa lugar. Kahit nasa 217 na ang bilang ng mga nagpostibo sa COVID-19 sa bansa, wala pa ring nakukuhang aksyon ang mga biktima ng demolisyon.

Bidyo ni Arrem Alcaraz/Kodao

Si Nanay Inday at ang mga kababaihan sa mga urban poor area

/in /by

Ngayong buwan ng mga kababaihan, nagbigay ng pahayag si Estrelieta “Nanay Inday” Bagasbas, Vice Chair ng KADAMAY National at tagapangulo ng KADAMAY sa barangay San Roque, hinggil sa nararanasan ng mga kababaihan sa ilalim ng administrasyong Duterte.

Ayon sa kanya, iba’t ibang mga pasakit at sakripisyo ang pinapasan ng mga kababaihan sa maralitang lunsod bunsod ng mga mapanupil na patakaran ng administrasyong Duterte.

Ilan sa mga ito ay ang demolisyon, pagtataboy sa kanilang mga kabuhayan, atbp.

Bidyo ni Arrem Alcaraz/Kodao

Ilang manggagawa nastranded pauwi sa kanilang tahanan

/in /by

Naglabas ng hinaing ang ilan sa mga kababayan natin na hindi pinayagang makatawid at makauwi sa kanilang mga tahanan noong umaga ng Marso 18 sa boundary ng Pasig City at Cainta sa Rizal. Ito ay matapos ipatupad noong Marso 15 ang Luzon-wide lockdown, sanhi ng CoViD-19, na tatagal hanggang Abril 12

Giit ng mga pulis, tanging mga taga-Cainta lamang ang maaring dumaan sa checkpoint at inaantay pa ang abiso mula sa Malacanang kung sila ay padadaanin. Sinabi pa nila na humanap na lamang ng ibang daanan ang hindi mga taga-Cainta bagay na ikinagalit ng ilan sa mga kababayan natin na halos araw-araw ay dumadaan sa nasabing ruta mula sa kanilang mga trabaho.

Joseph Cuevas/Kodao