Kodao is a leading alternative radio content producer in the Philippines. Listen to our radio programs, podcasts and interviews here.

ITANONG MO KAY PROF: Podcast on the senate hearing on the Mamasapano encounter

/in , , /by

Panayam ng Kodao Productions kay Prof. Jose Maria Sison hinggil sa naganap na senate hearing tungkol sa Mamasapano encounter.

February 10, 2015

1. Sa senate hearing kanina, malaking pansin na wala sinuman sa
mga heneral ng PNP, SAF at AFP na nagtukoy na kasama nila sa operasyon sina President Noynoy Aquino at ang US, o kung ang mga ito ay may papel sa Mamasapano encounter. Ano po ang inyong pagtingin sa ganitong kaisipan ng mga kasundaluhan at kapulisan ng pamahalaan?

JMS: Ang US ang nagmamando kay Aquino mismo sa pinakamataas na antas. At si Aquino naman ay sadyang umakto sa labas ng chain of command ng PNP at AFP. Sapat na sa kanya na si Purisima at Napeñas ang inuutusan niya. Siya lang ang makakapagpakilos sa suspendidong PNP chief na Purisima at halos 400 kawal ng SAF nang walang pakialamanan ang PNP officer in charge na si General Espina.

Si Aquino at Ochoa ang madalas na may contact sa mga Amerikano na nasa Joint Staff. Nasa US drone command base sila sa Zamboanga City. Lantaran ang pakialam ng US sa Oplan Wolverine o Exodus. Binalak at ginawa ang oplan sa balangkas ng tinaguriang war on terror ng US. Ang US ang naghahabol kay Marwan at may alok pang malaking reward money. Merong US drone na nagsubaybay sa assault team. May Amerikanong namatay sa operation. At Evergreen helicopter ng CIA at mga American officers ay kitang kita sa retrato ng retrieval operation sa mga patay at sugatan ng SAF.

(Photo/Gen.Napenas/Interaksyon.com)

ITANONG MO KAY PROF: Podcast on people’s sentiments against Mamasapano operators

/in , , /by

Panayam ng Kodao Productions kay Prof. Jose Maria Sison hinggil sa damdamin ng mamamayan sa Mamasapano encounter

February 6, 2015

1. Kagaya ng dapat asahan sa sinapit ng SAF 44, nahahati ngayon ang saloobin ng mga pamilya at kaibigan ng mga nasawi. Hindi pa rin malaman ng mga tao ano ang tunay na saloobin ng mga natira pang SAF commandos dahil nang humarap si Pnoy sa kanila ay wala man lang kumibo kahit isa. Ano ang inyong obserbasyon hinggil ditto?

JMS: Natural na galit ang mga kawal at opisyal ng SAF kay Aquino. Alam na alam nila na si Aquino at si Purisima ang nagbigay ng go-signal sa pagpasok ng SAF sa teritoryo ng MILF. Alam din nila na si Aquino ang nagbigay ng stand down order para hindi matulungan ng 315 SAF ang mga napalaban na 77 SAF.

2. Ano po ang inyong masasabi sa mga nananawagan na magbitiw na sa pwesto ang pangulo? Sa inyong pagtingin, gagawin po ba ito ni Noynoy?

JMS: May malakas na katwiran ang mga nagdedemanda ng resignation ni Aquino. Dapat managot siya sa mga krimen niya. Habang nagtatagal na presidente si Aquino, marami pang krimen ang magagawa niya, sa korupsyon at abusadong paggamit ng pwersang militar. Syempre, ayaw magresign si Aquino. Pero sapilitang magresign na siya kung napakalakas na ang mga kilos masa laban sa kanya. Posibleng mas gustuhin niya na magresign kaysa mapatalsik na basag ang ulo niya.

ITANONG MO KAY PROF: Podcast on Pnoy and Purisima’s role in the Mamasapano tragedy

/in , , /by

Panayam ng Kodao Productions kay Prof. Jose Maria Sison hinggil sa papel nina Presidente Noynoy Aquino at General Alan Purisima sa Mamasapano tragedy.

1. Ano po sa inyong pagtingin ang krimen nina Aquino at Purisima
kung meron man, sa naganap na Mamasapano encounter? May pagtingin po kasi ang mga tao na sila ay magkaibigang matalik at mahihirapan na idiin ng isa ang isa sa kasalanan nito sa SAF 44.

JMS: Dahil lamang sa utos at tulak ng mga Amerikanong imperyalista, hindi na nakapag-isip nang matino si Aquino. Krimen ni Aquino na ginamit niyang planner at implementer ng Oplan Wolverine ang suspendidiong PNP chief na si Purisima. Krimen nilang dalawa na ipinahamak nila ang SAF dahil sa walang koordinasyon sa MILF, sa PNP central command, sa Army at sa Air Force. Isinubo nila ang mga biktima sa tiyak na kamatayan. Gugulatin mo ba ang mga waring tulog na may baril sa sarili nilang baryo? Tiyak na makikipagbarilan ang mga iyon.

2. Nagresign daw si Purisima sa serbisyo o sa pagiging PNP chief. Pero sinasabi naman niya na hindi siya nagkocommand at wala siyang kasalanan. Bakit po kaya siya nagresign kung wala siyang kasalaman?

JMS: Nagresign na si Purisima dahil naramdaman na niya ang galit ng bayan at isip din niya na sa pagresign titigil ang mga protesta ng masa at siya naman ay mababalik sa pwesto kung magtestigo ang mga kabig niya sa SAF na hindi siya nagcommand sa Oplan Wolverine kundi si Napeñas lamang. Si Aquino naman ay pakunwaring tumatanggap ng responsabilid dahil akala niyang paraan lamang ito para tumigil ang mga kilos protesta.

ITANONG MO KAY PROF: Podcast on Pnoy’s second national address (Last Part)

/in , , /by

Panayan ng Kodao Productions kay Prof. Jose Maria Sison hinggil sa pangalawang pahayag sa publiko ni Presidente Noynoy Aquino tungkol sa Mamasapano tragedy.

Pebrero 6, 2015

4.Bahagi pa rin ng kanyang talumpati ang paniningil sa BIFF at
MILF na tila bagang ang mga ito ang dapat singilin sa sinapit ng SAF 44.
Ano po ang masasabi ninyo dito?

JMS: Ang unang singilin sa pagpapahamak sa mga namatay na SAF 44 at iba pang tao ay sina Aquino, Purisima at si Ochoa. Ang tatlong ito ang pinakaunang dahilan sa pagkamatay ng mga SAF. Sila ang managot kung bakit hindi sila gumawa muna ng konsultasyon at koordinasyon sa MILF. Hindi nangyari ang sagupaan sa Mamasapano kung iginalang nila ang ceasefire agreement sa MILF.

ITANONG MO KAY PROF: Podcast on Pnoy’s second national address (Part 2&3)

/in , , /by

Panayan ng Kodao Productions kay Prof. Jose Maria Sison hinggil sa pangalawang pahayag sa publiko ni Presidente Noynoy Aquino tungkol sa Mamasapano tragedy.

Pebrero 6, 2015

2.Ibinahagi ni Noynoy ang mga kabutihan diumanong ginawa ni
Purisima sa kanilang pagsasama simulan pa noong siya ay congressman pa
lamang at parang sinasabi niya na masakit din na tanggapin ang resignation
nito sa tungkulin. Ano po ang opinyon ninyo sa bagay na ito?

JMS: Impertinente ang mga ganitong salita ni Aquino. Kahit magkasintahan pa sila ni Purisima hindi pertinente ito sa ginawa nilang krimen na pagpapahamak sa mga kawal ng SAF.

3.Binanggit din ni Aquino na estado na ang makakalaban ng sinumang
hahadlang sa ipagpapatuloy na operasyon ng paghahanap at pag-aresto kay
Usman kahit ito pa ay nasa lugar ng mga BIFF a MILF. Ano po kaya ang
implikasyon ng ganitong pahayag sa buong mamamayan?

JMS: Hindi ba sa ngalan ng estado ang paggamit at pagpapahamak ni Aquino sa mga pwersa ng SAF sa Mamasapano? Dati bang akala niya na naglaro lamang siya ng video game nang pinapasok niya ang SAF sa Mamasapano nang walang pahintulot at koordinasyon sa MILF. Sinagasaan niya ang BIFF at MILF at ipinahamak niya ang mga namatay na SAF.

ITANONG MO KAY PROF: Podcast on Pnoy’s second national address (Part 1)

/in , , /by

Panayan ng Kodao Productions kay Prof. Jose Maria Sison hinggil sa pangalawang pahayag sa publiko ni Presidente Noynoy Aquino tungkol sa Mamasapano tragedy.

Pebrero 6, 2015

1. Ano po ang inyong masasabi sa pangkabuuan ng ipinahayag ngayong
gabi ni President Noynoy Aquino hinggil sa usapin pa rin ng Mamasapano
tragedy?

JMS: Hindi totoong tumatanggap ng responsabilidad si Noynoy sa unnecessary at unavoidable na pagkamatay ng 44 na kawal ng SAF at iba pang tao. Hindi niya tinatanggap nang maliwanag na sila ni Purisima sa mula’t sapul ang nagbigay ng go-signal sa Oplan Wolverine at nagsubo sa mga biktima sa kanilang kamatayan. Hindi rin niya tinatanggap na siya mismo ang nagbigay ng stand-down order na pumigil sa pagsaklolo ng 315 na SAF sa 77 SAF na napalaban. Pinigil din niya ang Army sa pagsaklolo sa mga naipit sa maisan.

Aroganteng idinidiin ni Aquino na siya ang Ama ng Bayan at responsabilidad niya na tulungan ang mga pamilya ng mga kawal ng SAF na pinatay habang siya ang presidente. Hindi niya tinatanggap na siya ang nagpahamak sa mga kawal niya. Inabswelto pa niya ang sarili at sinabing mananatili pa siyang presidente nang 17 buwan.

ITANONG MO KAY PROF: Podcast on Mamasapano encounter

/in , , /by

Panayam ng Kodao Productions kay Prof. Jose Maria Sison hinggil sa madugong sagupaan sa pagitan ng SAF at MILF sa Mamasapano, Maguindanao noong January 25, 2015.

February 1, 2015

Ano ang inyong masasabi sa pahayag ng FBI na walang kinalaman ang US sa naganap na Mamasapano encounter?

JMS: Nasa katangian at papel ng FBI na magsinungaling tungkol sa covert operations o lihim na operasyon nito. Mahaba at malalim ang pakialam ng FBI sa proyekto na hulihin o patayin si Marwan at Usman. Nahahalata naman ito sa lantarang pagtanggap ng FBI na sila ang bahala sa reward money at sa DNA analysis. Pero may kinalaman din ang FBI sa pagsasanay sa Special Action Force, sa intelligence at pagsasagawa ng Oplan Wolverine.

May papel ang FBI sa porma ng bilateral police cooperation. Pero kasangkot din ang iba pang ahensya ng Amerikano,tulad ng US Army Special Forces. US Army facility ang GPS surveillance at real-time monitoring sa communications gadget na ipinain kay Marwan at mga aide niya. At malamang na si US Ambassador Goldberg o ang CIA station chief ang nag-utos kay Aquino.

Ayon sa mga tao sa baryong pinangyarihan ng sagupaan, may blue-eyed na Amerikanong sundalo na nakita nilang patay. At nakunan naman ng retrato ang Amerikanong sundalo mula sa Joint Staff Special Operations Task Force. Kasama sila sa pagtingin, pag-usisa at pagkuha sa mga bangkay ng mga sundalong SAF. Lumabas ang mga retrato sa mga peryodiko.

ITANONG MO KAY PROF: Podcast on Aquino’s statement on Maguindanao encounter (Part 7)

/in , , /by

ITANONG MO KAY KAY PROF: Tungkol sa talumpati ni Aquino hinggil sa sagupaan at maraming namatay na SAF sa Mamasapano, Maguindanao

Panayam ng Kodao Proucions kay Prof. Jose Maria Sison, January 28, 2015

7. Sinabi ni President Aquino sa kanyang pahayag na may binuo nang board of inquiry, mapagkakatiwalaan po ba ito ng mamamayang Pilipino?

Hindi mapagkakatiwalaan ang board of inquiry na yan. Mga tauhan ni Aquino ang bumubuo. Hindi nila kayang papanagutin si Aquino o ungkatin ang pag-utos ng mga opisyal na Amerikano kay Aquino. Hindi independent ang board. Ang kaya nilang sisihin ay yong commander ng SAF at yong mga isinubo sa tiyak na kamatayan.

ITANONG MO KAY PROF: Podcast on Aquino’s statement on Maguindanao encounter (Part 3-4)

/in , , /by

ITANONG MO KAY KAY PROF: Tungkol sa talumpati ni Aquino hinggil sa sagupaan at maraming namatay na SAF sa Mamasapano, Maguindanao

Panayam ng Kodao Productions kay Prof. Jose Maria Sison, January 28, 2015

3. Binigyan-diin ng pangulo ang mga krimen nina Marwan at Usman sa umpisa ng kanyang talumpati. Ito marahil ay para mabigyan ng hustisya ang operation ng PNP-SAF sa Maguindanao, subalit hindi niya sinabi na siya at ang US ay sangkot sa operasyon na ito. Ano po ang inyong pahayag dito?

JMS: Walang kwestiyon na dapat hulihin sina Marwan at Usman dahil sa warrants of arrest at malulubhang paratang sa kanila. Pero walang karapatan si Aquino na isubo ang maraming sundalo ng SAF sa tiyak na kamatayan dahil sa estupidong plano at kawalan ng koordinasyon sa mga kinauukulan. Bale gumawa sina Aquino, Ochoa at Purisima ng malubhang krimen na isinubo nila ang maraming SAF sa tiyak na kamatayan. Lalong malubha ang krimen nila dahil sa sunud-sunuran sila sa mga utos ng mga bos nilang mga Amerikano at nasilaw rin sila sa malaking dolyar na reward money.

4. Nahahati ngayon ang opinyon ng mga kapulisan hinggil sa naging papel ng gubyerno sa madugong engkwentro, ano po ang inyong maipapayo sa kanila?

JMS: Dapat batikusin at isakdal ng PNP, SAF at sambayanang Pilipino si Aquino dahil sa kanyang kriminal na pagpapahamak sa mga nasawing sundalo ng SAF. Dapat ding tuligsain ang kanyang pagiging utu-uto ng mga bos niyang Amerikano.

ITANONG MO KAY PROF: Podcast on Aquino’s statement on Maguindanao encounter (Part 2)

/in , , /by

ITANONG MO KAY KAY PROF: Tungkol sa talumpati ni Aquino hinggil sa sagupaan at maraming namatay na SAF sa Mamasapano, Maguindanao

Panayam ng Kodao Productions kay Prof. Jose Maria Sison, January 28, 2015

2. Naglabas po kayo ng mga tanong kaninang umaga para makatulong sa taumbayan sa kanilang pagsusuri sa naganap na engkwentro, marami po dito ay hindi nasagot ni Pnoy sa kanyang pahayag sa telebisyon. Ano po ang inyong masasabi dito?

JMS: Hindi sinagot ni Aquino ang aking mga tanong na inilathala bago siya nagpahayag.
Wala siyang sinabi tungkol sa prinsipal na pananagutan niya, kung bakit sinarili niya at nina Executive Secretary Ochoa at resigned PC chief Purisima ang command responsibility sa proyektong laban kay Marwan at Usman, kung bakit walang alam sa proyekto sina DILG secretary Roxas and PNP central command, kung bakit walang koordinasyon ang SAF sa mga army unit ng AFP at sa MILF alinsunod sa ceasefire agreement, kung bakit malaki ang pakialam ng mga opisyal at militar na Amerikano sa buong proyekto at operasyon at sunud-sunuran si Aquino sa mga bos niyang Kano.

Pahapyaw na sinabi ni Aquino na alam niya ang proyekto at operasyon. Pagkatapos , bumuhos na ang pagsisinungaling niya at pagbibintang niya sa iba. Pero may sapat na pagtanggap siya bagamat unwitting sa pinakamalaking pananagutan sa pagkapatay ng maraming sundalo ng SAF.