Posts

ITANONG MO KAY PROF: Podcast on Mendiola massacre

Panayam ng Kodao kay Prop. Jose Maria Sison
January 20, 2014

TANONG: Ano po ang inyong mensahe sa patuloy na paggunita ng mga magsasaka at iba pang sektor sa Mendiola masaker ng dekada 80? May kabuluhan pa ba ito sa panahon ngayon?

JMS: Makabuluhan ang patuloy na paggunita ng mga mga magsasaka at iba pang sektor ng sambayanang Pilipino sa Mendiola masaker ng 1987. Ang masaker sa Mendiola at sa Hacienda Luisita ay mga karumal-dumal na krimen ng mga asenderong nasa kapangyarihan. Dapat itulak ang tunay na reporma sa lupa bilang daan sa pagkakamit ng hustisya sosyal, demokrasya at pag-unlad ng ekonomiya kaakibat ng pambansang industriyalisasyon. Dapat walang humpay ang kilusang magbubukid at sambayanang Pilipino sa pagdemanda ng tunay na reporma sa lupa.

ITANONG MO KAY PROF: Podcast on Pope Francis and Pnoy

ITANONG MO KAY PROP

January 20, 2015

Panayam ng Kodao kay Prop. Jose Maria Sison

  1. Ano po ang inyong masasabi sa mga mensahe at pangangaral ni Pope Francis sa mamamayang Pilipino?

JMS: Mainam na may mensahe at pangangaral ni Pope Francis tungkol sa social injustice at corruption. Bale pinaringgan niya ang mga mang-aapi at nagsasamantala gayundin ang mga inaapi at pinagsasamantalahan. Pero bale wala ang mga ganong sermon sa mga nasa kapangyarihan at mga nagsasamtalang uri. Ibig sabihin na makakaasa lamang ang sambayanang Pilipino sa kanilang pagkilos at paglaban sa mga nang-aapi at nagsasamantala sa kanila.

  1. Ano po ang inyong pagtingin sa mga pahayag ni Noynoy Aquino na hindi naman daw siya ang binabatikos ng Papa hinggil sa corruption at tumitinding kahirapan sa Pilipinas?

JMS: Bale linoloko ni Noynoy ang sarili. Maliwanag sa lahat na pinatatamaan siya ng Papa. Sa ngayon, sino ba ang pinakaresponsable sa corruption at tumitinding kahirapan sa Pilipinas. Alam ng lahat na siya ang pork barrel king at siya ang nagtakda ng mga patakaran para pagsamantalahan ang mga anakpawis at sambayanan ng mga dayuhang kapitalista at mga katulad niyang malaking asendero at komprador.

ITANONG MO KAY PROF: Podcast on Charlie Hebdo massacre


SAGOT SA MGA TANONG NG KODAO UKOL SA CHARLIE HEBDO
Prof. Jose Maria Sison
January 9, 2015

Tanong 1: Ano ang inyong pagtingin sa pagkakapaslang sa mga staff/journalist/cartoonist ng Charlie Hebdo?

JMS: Kinokondena ko ang pagpaslang sa mga editor, cartoonist at staff ng Charlie Hebdo. May karapatan silang mabuhay at magpahayag. May karapatan sila sa due process. Hindi lang basta kung sino na lang ang pumaslang sa kung sino pa. Hindi sapat na dahilan ang mga sinulat at drawing nila para patayin sila.

Nakikidalamhati ako sa kamag-anakan, mga kolega at mga kaibigan ng mga pinaslang. Malalim ang simpatya ko sa kanila. Pero may kalipikasyon at hantungan ng aking simpatya. Hindi ko iproproklama ang sarili ko bilang Charlie Hebdo. Hindi ako sang-ayon sa anti-Islam at racial prejudices ng Charlie Hebdo at ang ginawang pang-iinsulto, panunuya at panghahamon sa mga Muslim at mga taong hindi puti.

May karapatan ang Charlie Hebdo na mamahayag, magpuna at magmungkahi. Pero may responsabilidad na igalang ang karapatan ng iba, mga indibidwal man, organisayon o komunidad. Lahat ay may mga karapatan at may responsabilidad na igalang ang karapatan ng iba. Maglalaro ka sa apoy kung saktan mo ang niloloob ng maraming tao, tutuyain mo at hahamunin mo pa dahil lamang sa relihyon nila o kulay ng balat nila.

Tanong 2: Ano po kaya ang maaaring impak sa buong daigdig ng massacre sa Paris, sa bansang maunlad gaya nito na sinasabing may kalayaan naman daw sa pagsasalita at pamamahayag ang mga tao.

JMS: Sa Pransiya mismo at sa ibang bansang imperyalista, may mga pwersang reaksyonaryo na gustong gamitin ang insidenteng Charlie Hebdo sa ngalan ng pagtataguyod ng press freedom para palitawin na terorista ang mga Muslim at mga taong hindi puti ang balat at para gawing lalong maigting ang represyon o terorismo ng estado at para bigyan din ng katwiran ang mga digma ng agresyon ng mga bansang imperyalista sa Middle East at North Africa.

Malamang na ang pumaslang sa tauhan ng Charlie Hebdo ay kumilos dahil sa labis na galit sa pambabastos kay propetang Mohamad at mga Muslim. Pero pinapalaki ng mga imperyalista ang insidente at tinataguriang terorismo para ilihis ang pansin ng mga mamamayan sa krisis sa ekonomiya at sa mega-terorismo o malakihang terorismo ng mga imperyalistang estado sa loob at labas ng bansa nila.

Sabi ng ilang ulat na ang dalawang magkapatid na suspetsado ay mga miembro ng Al Qaida o Islamic state ng Syria at Iraq (ISIS) na sumasalanta ngayon sa Syria at Iraq. Kung kailan lang, ang ISIS o ISIL ay pinondohan, inorganisa, inarmasan at sinanay ng mga imperyalistang ahente ng US, Inglaterra at Pransiya tulad ng dating ginawa sa mga tinaguriang Islamista na nagpabagsak sa gobyerno ni Qadaffi sa Lybia. May teorya ng ilan na mga ahente mismo ng gobyernong Pranses ang nagpakana sa Charlie Hebdo incident para gawing sangkalan ng terorismo ng estado ng mga imperyalista at mga papet nila.

Ang mga tunay at malaking o dambuhalang terorista ay mga imperyalistang kapangyarihan na pinamumunuan ng Estados Unidos. Kasama riyan ang Pransiya. Sa mga gera ng agresyon nila, milyun-milyong tao ang pinapatay at pinalilisan at winawasak ang kabuhayan at social infrastructure nila. Dahil sa paglubha ng krisis, ibayong lumilitaw ang rasismo, represyon at pasismo sa mismong mga imperyalistang bansa na nagyayabang na mga sentro sila ng demokrasya at kalayaan.

ITANONG MO KAY PROF: Podcast on Peace Talks Preparations (Part 3)

  1. Ano na po ang ginagawang paghahanda ng NDFP kung sakaling matuloy ang paghaharap ng dalawang panig? Wala rin po bang nabago sa inyong hanay bilang mga negosyador sa usapang pangkapayapaan?

JMS Sagot: Nananatili ang komposisyon ng NDFP negotiating panel. Pareho ang chairman at mga miembro. Estable at tuluy-tuloy ang karanasan at kaalaman. At tungkol sa usapang pangkapayapaan, desidido na ipatupad ang kanyang bahagi sa peace negotiations tungo sa makatarungan at matibay na kapayapaan.

Marami ang ginagawa ng NDFP negotiating panel para paghandaan ang pormal na pag-uusap sa kabilang panel kung matutuloy ito. Aktibo sa mga consultations ng mga special representatives ng dalawang panig para ihanda ang agenda, saklaw at direksyon ng pag-uusap. Nagpupulong ang NDFP panel, mga working team at mga consultants para patibayin nila ang prinsipyadong posisyon ng NDFP at inaaral din nila ang pleksibilidad para maisagawa ang mga comprehensive agreement, tulad ng nangyari sa pagsasagawa ng Comprehensive Agreement on Respect for Human Rights and International Humanitarian Law.

Inaaral din nila kung paano pangingibabawan ang obsesyon o kagustuhan ng kabila na hanggang surrender ng mga rebolusyonaryo at tigil-putukan o pasipikasyon lang ang mangyayari. Para sa interes at kapakanan ng sambayanang Pilipino, gusto ng NDFP na magkaroon ng tunay na pambansang kalayaan, demokrasya, reporma sa lupa, industryalisasyong nasyonal at hustisya sosyal sa ating bayan.

ITANONG MO KAY PROF: Podcast on Peace Talks Preparations (Part 2)

Panayam kay Prof. Jose Maria Sison
Chief Political Consultant ng NDFP Negotiating Panel
Enero 12, 2015

2. Maraming naguguluhan sa pagpapatakbo ni Aquino sa peace negototations sa NDFP. Si Aquino ba mismo ang dahilan ng gulo o si Deles? Ang balitang nasagap namin ay lusaw na ang GPH negotiating dahil sa pagresign ni Alex Padilla bilang chairman at may pag-aatubili pa si Aquino tungkol sa appointment ni General Bautista bilang Chairman o member na lang ng panel? Sa kabila ng kaguluhan sa panig ni Aquino, makakaasa kaya ang mga political prisoner na ma-release kaugnay ng bisita ng Papa at mga panawagan ng mga religious at human rights organizations?

JMS: Sa tingin ko, parehong magulo si Aquino at Deles. Pero mas magulo si Deles. Nakita na ng NDFP ang panggugulo ni Deles magmula pa noong 2004 sa panahon ni Arroyo. Ika nga ng ilang observer, magulo ang utak ni Aquino pero si Deles sadyang nanggugulo. Ang balita ng NDFP hindi nabubuo agad ang GPH negotiating panel dahil gusto ni Deles na isaksak sa panel ang mga katulad niyang rabid anti-communist at mga uto-uto niya.

Kabado rin siya kay General Bautista dahil baka hindi niya kayang utus-utusan kahit magkahawig sila sa pagiging pusakal na anti-komunista. Tungkol naman sa pagrelease ng mga political prisoners, may mga umaasa na baka magrelease ang marami si Aquino dahil sa posibleng paggalang niya sa Papa at sa mga religious at human rights organizations na nanawagan ng pag release sa mga political prisoner.

Pero sa karanasan ng NDFP, matigas, walang puso at walang awa si Aquino sa mga political prisoner. Wala siyang respeto sa JASIG na nagbabawal sa pagkulong at pagpatay sa mga NDFP consultants. Wala rin siyang respeto sa CARHRIHL na nagbabawal sa pagkulong sa mga political prisoner dahil sa mga sabay-sabay na charges of rebellion at common crimes o kaya common crimes sa halip na rebellion.

ITANONG MO KAY PROF: Podcast on Peace Talks Preparations (Part 1)

Panayam kay Prof. Jose Maria Sison
Chief Political Consultant ng NDFP Negotiating Panel
Enero 12, 2015

1. Quoted kayo dati na okay lang si former AFP chief of staff Emmanuel Bautista na maging bagong chairman ng GPH negotiating panel dahil sa retired military officer na siya. Pero marami naman ang nagsasabi na kung siya ang i-appoint ni Aquino sa ganoong posisyon bale binabastos niya ang NDFP at buong kilusang rebolusyonaryo dahil nagmamalaki siya na siya ang utak o designer ng Oplan Bayanihan. Sa tingin niyo ba ay wala nang ibang mapipili ni Aquino na maging chairman ng kanyang panel. Siya na ba ang pinakamagaling o pinakaangkop kahit na mastermind siya ng Oplan Bayanihan?

JMS: Prerogative ni Aquino na piliin ang kahit sinumang sibilyan na maging chairman ng GPH negotiating panel. Technically, si General Bautista ay civilian dahil retired na. Pero totoo rin na marami ang nagsasabi na insulto sa NDFP at buong kilusang rebolusyonaryo kung siya ang gagawin ni Aquino na panel chairman niya sa punto na self-proclaimed na utak siya ng Oplan Bayanihan. Hindi baleng retired military officer siya kung katulad siya ni former General Fidel Ramos na marunong sa peace negotiations.

Pero umaabot din sa NDFP ang mga ulat na garapal na militar ang mentalidad niya at wala siyang gusto kundi ipataw daw niya ang pagsurender ng NPA dahil sa natatalo na raw ito at kung hindi payag ang NPA tuloy pa rin ang balasik ng kanyang Oplan Bayanihan. Palpak naman itong Oplan Bayanihan, lalong lumakas ang NPA. Sa tingin ko, kung seryoso si Aquino sa peace negotiations, makakapili siya ng mas angkop at mas magaling na chairman ng kanyang panel. Baka naman hindi interesado si Aquino sa pag-usad ng peace negotiations.

ITANONG MO KAY PROF: Mensahe para sa 2015

Kodao Podcast
“Itanong mo kay prof” with Prof. Jose Maria Sison
December 19, 2014

ITANONG MO KAY PROF: Podcast on peace talks

Kodao Podcast
“Itanong mo kay prof” with Prof. Jose Maria Sison
December 19, 2014

ITANONG MO KAY PROF: Podcast on Binay and Poe

Kodao Podcast
“Itanong mo kay prof” with Prof. Jose Maria Sison
December 19, 2014

ITANONG MO KAY PROF: Podcast on Pope Francis

Kodao Podcast
“Itanong mo kay prof” with Prof. Jose Maria Sison
December 19, 2014