Pagsasalaysay ni Mary Jane, nalalapit na

Muling dininig sa Regional Trial Court sa Baloc, Sto Domingo, Nueva Ecija ang dalawang kasong nakasampa sa dalawang illegal recruiter na sina Cristina Sergio at Julius Lacanilao para sa kasong Large Scale Illegal Recruitment na isinampa ng tatlong biktima na kapitbahay ng mga suspect, gayundin ang kasong isinampa naman ni Mary Jane Veloso na Illegal Recruitment, Human Trafficking at Estafa sa mga ito.

Sa darating na Enero 30, 2020 ay ang itinakdang promulgation o pagbaba ng hatol para sa kasong Large Scale Illegal Recruitment. Sa darating na Disyembre naman ang posibleng pagsasaayos ng pagtestigo ni Mary Jane para sa kaso na kanyang isinampa.

Hiling ng pamilya na huwag na sanang umapela pa ang mga defendant sa pagtestigo ni Mary Jane upang mapabilis na ang kaso. Panawagan na rin ng abogado sa gubyerno ng Indenesia na bigyan na ng amnestiya o pardon si Mary Jane upang makauwi na sa Pilipinas. (Bidyo ni Jek Alcaraz/Kodao)