Sa bisperas ng Pandaigdigang Araw para sa Karapatang Pantao, naglabas ng desisyon ang Korte Suprema kaugnay sa ligalidad ng Anti-Terrorism Act.
Nagbigay ng saloobin ang ilang mga grupong nagpetisyon kontra dito kung saan sinabi ng Korte na iligal ang ilang probisyon nito subalit konstitusyunal ang naturang batas.
Nagtipon ang mga human rights advocate mula sa iba’t ibang grupo sa harapan ng Korte Suprema bago ang ikalawang oral argument ng Anti-Terror Law, Pebrero 9, 2021.
Kanilang inihayag ang pagtutol sa naturang batas at suporta mga abogadong humarap sa oral arguments ngayong hapon laban sa anila ay delikadong batas.
Nagsama-sama ang iba’t-ibang grupo na tutol sa RA 11479 o ang Anti-Terrorism Act sa Padre Faura sa Maynila ilang oras bago simulan ang oral arguments nito sa Korte Suprema, Pebrero 2.
Kaugnay ito sa 37 petisyon kontra sa nasabing batas na ayon sa mga aktibista ang pinakamaraming petisyon sa kasaysaysan ng mga batas sa Pilipinas.
Mariin nilang tinututulan ang terror law at sinabi na malaking banta ito sa pagpapahayag ng mamamayan laluna sa paglaban ngayon sa tiraniya.