Posts

Matatakot Pa Ba Kami?

Ni AP

Dinukot n’yo na ang mata ng mag-asawang Albarillo.

Binasag ang bungo ni Eden.

Tinadtad ng bala ang katawan ni Tata Pido.

Binaril sa likod si Gerry at Fort.

Ikinarsel ang siyam na magsasaka ng Silang.

Pakyawang kinasuhan ang pitumpu’t dalawang aktibista.

Ilan sa mga panganay at bunso nila ang pikit-matang

tinanggap ang pangyayari, lumuha sa tabi?

Ilan sa mga kaanak nila ang tumigil mag-isip

at pumili ng tama?

Ilan sa kababayan nila ang nakaramdam ng pagkadurog?

Ilan sa kapwa aktibista nila

ang tumanggi sa alok ng kabundukan?

Ilan sa amin ang natakot?

Ngayon ay pinahirapan n’yo pa palang maigi

ang mag-asawang Evangelista. Binasag ang bungo,

niyupi ang mukha

at dinurog ang puso at baga.

Kinaladkad ang duguang katawan ni Manny.

At sinabing sila ay nanlaban.

Ilan pa ang nakahandang mandamyentong-walang-ngalan?

Tandaan ninyo,

Mahirap pahirapan ang matagal nang naghihirap.

Wala kayong maibibilanggong

hindi maghuhulagpos.

Hindi ninyo kayang paluhurin at durugin

ang isang bayang nagbabangon

at nagbubuo ng bagong lipunan.

Bingi na kami sa sabog ng kanyon

at ulan ng bala sa aming mga bubong.

Hindi na namin dinig ang kalabugan

ng nag-uunahang daga sa dibdib.

Pag-ibig sa katarungan

ang itinitibok ng aming puso.

Tandaan ninyo,

Tatanda rin ang sampung taong gulang

na anak ng mga Evangelista.

Lagi niyang maaalala, mula sa dilim ng ilalim ng kama

magaganap ang paghihiganti para sa katarungan

na maghahatid sa aming lahat sa liwanag.

Kung gayon, matatakot pa ba kami?

***

Marso 10, 2021

Mensahe ng may akda: Ayaw ko sanang sumulat nang ganito kadilim na tula, kung kailan kaarawan ko pa man din. Pero malinaw ang dapat piliin ng isangmakata sa ganitong panahon? Maari naman sigurong alalahanin ko na lamang ng tahimik ang pagsilang ko, sa gitna ng kamatayan ng marami.

‘The killings in Tarlac are part of a pattern of abuse’

“The killings in Tarlac are not isolated incidents but are part of a pattern of abuse and impunity among the police, enabled by the current regime. From the drug war, war on critics, to quarantine enforcement, we reap the horrors today. #StopTheKillingsPH #EndPoliceBrutality”Renato Reyes, Jr., Secretary General, Bagong Alyansang Makabayan

KARAPATAN unfurls giant “Stop the Killings” banner as 45th UNHRC opens

Human rights group Karapatan unfurled a giant “Stop the Killings” banner at the Commission on Human Rights’ Liwasang Diokno in Quezon City as the United Nations Human Rights Council (UNHRC) opens its 45th session today, September 14, in Geneva, Switzerland.

The group reiterates its call for an end to the Duterte government’s extrajudicial killings and for the UNHRC to investigate rampant human rights violations in the Philippines.

Health workers show solidarity with Lumad

Alliance of Health Workers members from government hospitals held a candle-lighting activity today to show their solidarity with indigenous peoples in Mindanao. They denounced the human rights violations against the Lumad by the military that resulted in massacres, rape, harassments and forced evacuation in Bukidnon, Surigao del Sur, Agusan del Sur and the Davao provinces.

Philippine Heart Center, Quezon City
September 26, 2015