Posts

‘Mananatili kaming tapat na ang kabataan ang pag-asa ng bayan’

/in /by

“Ang kabataan po ay patong-patong na ang mga umuusbong na suliranin dulot ng bagong learning set-up. Ang mga ito ang dapat na inuuna ng administrasyon sa gitna ng pandemya at mga sakuna, hindi ang mga walang-awa at mga malisyosong atake. Makakaasa kayo na patuloy na ipaglalaban ng kabataan at estudyante ang aming karapatan gayundin ang kapakanan ng sambayanan. Mananatili kaming tapat sa kasabihan na ang kabataan ang pag-asa ng bayan.” — Sarah Elago, Representative, Kabataan Party-list

‘Maling-mali ang paratang ng NTF-ELCAC na kami ay terorista’

/in /by

“Maling-mali ang paratang ng National Task Force to End Local Communist Armed Conflict o NTF-ELCAC at ibang opisyal publiko na kami ay terorista. Ito ay labag sa karapatang pantao, labag sa sinumpaang mandato ng gobyerno sa mamamayan. Ang ganitong pananakot at pagsiil ay pagpapahamak sa aming women’s rights advocates, at pagkakait sa kababaihan na nangangailangan ng tulong at pag-agapay.” — Joms Salvador, Secretary General, Gabriela

ITANONG MO KAY PROF: Podcast on the senate hearing on the Mamasapano encounter

/in , , /by

Panayam ng Kodao Productions kay Prof. Jose Maria Sison hinggil sa naganap na senate hearing tungkol sa Mamasapano encounter.

February 10, 2015

1. Sa senate hearing kanina, malaking pansin na wala sinuman sa
mga heneral ng PNP, SAF at AFP na nagtukoy na kasama nila sa operasyon sina President Noynoy Aquino at ang US, o kung ang mga ito ay may papel sa Mamasapano encounter. Ano po ang inyong pagtingin sa ganitong kaisipan ng mga kasundaluhan at kapulisan ng pamahalaan?

JMS: Ang US ang nagmamando kay Aquino mismo sa pinakamataas na antas. At si Aquino naman ay sadyang umakto sa labas ng chain of command ng PNP at AFP. Sapat na sa kanya na si Purisima at Napeñas ang inuutusan niya. Siya lang ang makakapagpakilos sa suspendidong PNP chief na Purisima at halos 400 kawal ng SAF nang walang pakialamanan ang PNP officer in charge na si General Espina.

Si Aquino at Ochoa ang madalas na may contact sa mga Amerikano na nasa Joint Staff. Nasa US drone command base sila sa Zamboanga City. Lantaran ang pakialam ng US sa Oplan Wolverine o Exodus. Binalak at ginawa ang oplan sa balangkas ng tinaguriang war on terror ng US. Ang US ang naghahabol kay Marwan at may alok pang malaking reward money. Merong US drone na nagsubaybay sa assault team. May Amerikanong namatay sa operation. At Evergreen helicopter ng CIA at mga American officers ay kitang kita sa retrato ng retrieval operation sa mga patay at sugatan ng SAF.

(Photo/Gen.Napenas/Interaksyon.com)