Posts

ITANONG MO KAY PROF: Podcast on Aquino’s statement on Maguindanao encounter (Part 3-4)

/in , , /by

ITANONG MO KAY KAY PROF: Tungkol sa talumpati ni Aquino hinggil sa sagupaan at maraming namatay na SAF sa Mamasapano, Maguindanao

Panayam ng Kodao Productions kay Prof. Jose Maria Sison, January 28, 2015

3. Binigyan-diin ng pangulo ang mga krimen nina Marwan at Usman sa umpisa ng kanyang talumpati. Ito marahil ay para mabigyan ng hustisya ang operation ng PNP-SAF sa Maguindanao, subalit hindi niya sinabi na siya at ang US ay sangkot sa operasyon na ito. Ano po ang inyong pahayag dito?

JMS: Walang kwestiyon na dapat hulihin sina Marwan at Usman dahil sa warrants of arrest at malulubhang paratang sa kanila. Pero walang karapatan si Aquino na isubo ang maraming sundalo ng SAF sa tiyak na kamatayan dahil sa estupidong plano at kawalan ng koordinasyon sa mga kinauukulan. Bale gumawa sina Aquino, Ochoa at Purisima ng malubhang krimen na isinubo nila ang maraming SAF sa tiyak na kamatayan. Lalong malubha ang krimen nila dahil sa sunud-sunuran sila sa mga utos ng mga bos nilang mga Amerikano at nasilaw rin sila sa malaking dolyar na reward money.

4. Nahahati ngayon ang opinyon ng mga kapulisan hinggil sa naging papel ng gubyerno sa madugong engkwentro, ano po ang inyong maipapayo sa kanila?

JMS: Dapat batikusin at isakdal ng PNP, SAF at sambayanang Pilipino si Aquino dahil sa kanyang kriminal na pagpapahamak sa mga nasawing sundalo ng SAF. Dapat ding tuligsain ang kanyang pagiging utu-uto ng mga bos niyang Amerikano.

ITANONG MO KAY PROF: Podcast on Aquino’s statement on Maguindanao encounter (Part 2)

/in , , /by

ITANONG MO KAY KAY PROF: Tungkol sa talumpati ni Aquino hinggil sa sagupaan at maraming namatay na SAF sa Mamasapano, Maguindanao

Panayam ng Kodao Productions kay Prof. Jose Maria Sison, January 28, 2015

2. Naglabas po kayo ng mga tanong kaninang umaga para makatulong sa taumbayan sa kanilang pagsusuri sa naganap na engkwentro, marami po dito ay hindi nasagot ni Pnoy sa kanyang pahayag sa telebisyon. Ano po ang inyong masasabi dito?

JMS: Hindi sinagot ni Aquino ang aking mga tanong na inilathala bago siya nagpahayag.
Wala siyang sinabi tungkol sa prinsipal na pananagutan niya, kung bakit sinarili niya at nina Executive Secretary Ochoa at resigned PC chief Purisima ang command responsibility sa proyektong laban kay Marwan at Usman, kung bakit walang alam sa proyekto sina DILG secretary Roxas and PNP central command, kung bakit walang koordinasyon ang SAF sa mga army unit ng AFP at sa MILF alinsunod sa ceasefire agreement, kung bakit malaki ang pakialam ng mga opisyal at militar na Amerikano sa buong proyekto at operasyon at sunud-sunuran si Aquino sa mga bos niyang Kano.

Pahapyaw na sinabi ni Aquino na alam niya ang proyekto at operasyon. Pagkatapos , bumuhos na ang pagsisinungaling niya at pagbibintang niya sa iba. Pero may sapat na pagtanggap siya bagamat unwitting sa pinakamalaking pananagutan sa pagkapatay ng maraming sundalo ng SAF.

ITANONG MO KAY PROF: Podcast on Aquino’s statement on Maguindanao encounter (Part 1)

/in , , /by

ITANONG MO KAY KAY PROF: Tungkol sa talumpati ni Aquino hinggil sa sagupaan at maraming namatay na SAF sa Mamasapano, Maguindanao

Panayam ng Kodao Productions kay Prof. Jose Maria Sison, January 28, 2015

1. Ano po ang inyong masasabi sa pangkabuuan sa mga ipinahayag ni Pres. Noynoy Aquino hinggil sa naganap na engkwentro sa pagitan ng PNP-SAF at MILF?

JMS: Sa kanyang pahayag sa telebisyon, nagsinungaling si Aquino at umiilag sa katotohanan. Hindi marunong tumanggap ng command responsibility, kahit na may direct responsibility siya. Hindi niya hinarap ang pinakaimportanteng tanong sa kanya: kung bakit isinubo niya sa tiyak na kamatayan ang maraming sundalo ng SAF?

Sa halip, mahaba ang satsat niya tungkol sa mga warrant of arrest, kung gaano kasama sina Marwan at Usman at gaano ring kasama ang mga katulad ng mag-amang Estrada na gustong ipawalang saysay ang peace negotiations sa MILF bago siyang umasta na buwayang lumuluha para sa mga pamilya ng mga sundalong napatay.

FURTHER QUESTIONS TO AQUINO BEFORE HIS SPEECH TODAY
/in /by

1. Shall you lie and deny that you approved the Mamasapano operation by arguing that there was no need for your approval because of standing warrants of arrest for Marwan and Basit?

2. Shall you lie and deny that you authorized the suspended PNP chief Purisima to carry out the entire project leading to the aforesaid operation and to direct the SAF for the purpose?

3, Shall you lie and deny that you authorized Executive Secretary Ochoa to provide everything that Purisima needed for the project and to keep other pertinent officials out of the loop?

4. Shall you lie and deny that you, together with Ochoa and Purisima, received orders from US officials who told you that their operatives had once more succeeded since sometime ago to give Marwan and his aides communications gadgets with embedded microchips to surveil them and gain real-time intelligence on their location?

5. Shall you lie and deny that you, together with Ochoa and Purisima, are responsible for treacherously and criminally deploying 392 SAF personnel in an area where you are required by ceasefire agreement to priorly consult and coordinate with the MILF regarding the deployment of your armed personnel in MILF territory?

6. Do you really think that you could sneak in such a large force without being detected long before they could reach any specific target? Don’t you know that dogs can wake up and bark even at 2 a.m. to alert the MILF?

7. Were you not being overeager to reap international publicity by posting yourself in a Zamboanga location with your American handlers?

8. Together with your accomplices, are you not criminally liable for putting into a death trap your own armed personnel in SAF?

— Prof. Jose Maria Sison

ITANONG MO KAY PROF: Podcast on FQS Commemoration 2015 (Last Part)

/in , , /by

ITANONG MO KAY PROF
Panayam ng Kodao kay Prof. Jose Maria Sison
January 22, 2015

4. Sa inyo po bang pagtingin, dapat pa bang magpatuloy ang KM? May mahalaga bang papel ang kilusang kabataan sa buong laban ng mamamayan?

JMS: Dapat magpatuloy ang KM. Nagpatuloy naman ito sa underground sa panahon ng martial law at pagkatapos. Nananatili ang pangalan na Kabataang Makabayan kahit na ito ay gumaganap ng papel ng Communist Youth League. Ipinagpapatuloy ng KM ang rebolusyong Pilipino sa hanay ng kabataan. Gusto nitong magwagi ang bagong demokratikong rebolusyon at kasunod nito umpisahan ang sosyalistang rebolusyon.

5. May mensahe ba kayo sa darating na paggunita sa FQS?

JMS: Ipagbunyi ang FQS bilang dakilang tagumpay ng kabataang Pilipino at sambayanan sa pakikibaka para sa pambansang kalayaan at demokrasya laban sa imperyalismong US, pyudalismo at burukrata kapitalismo. Parangalan ang mga martir ng FQS. Gunitain ang mga sakripisyo, pakikibaka at mga tagumpay ng mga lumahok sa FQS. Ipagbunyi ang pagpanday ng FQS sa maraming bayaning kalalakihan at kababaihan na nagpatuloy ng pakibabaka sa panahon ng martial law at hanggang ngayon.

Ang mga prinsipyo at layunin ng FQS ay buhay ngayon sa isip at damdamin ng ating mga kababayan na nais magkamit ng ganap na pambansang kalayaan, demokrasya, hustisya sosyal, pag-unlad, kasaganaan at kapayapaan.###

(Malaking pasasalamat kay Mon Ramirez sa kanyang mga siniping larawan ng FQS mula sa kanyang pagsasaliksik.)

ITANONG MO KAY PROF: Podcast on FQS Commemoration 2015 (Part 3)

/in , /by

ITANONG MO KAY PROF
Panayam ng Kodao kay Prof. Jose Maria Sison
January 22, 2015

3. Bakit po naging iligal ang Kabataang Makabayan o KM?

JMS: Magmula pa FQS ng 1970 galit na galit na si Marcos sa Kabataang Makabayan. Alam niyang matatag at militanteng kalaban niya ito. Alam niya ring ang KM ang pasimuno sa mga protesta sa buong bansa. Nang sinuspindi ni Marcos ang writ of habeas corpus noong 1971 pinag-aaresto niya ang ilang lider ng Kabataang Makabayan at gusto niyang sindakin ang buong KM at sambayanang Pilipino. Pero patuloy pa rin ang magiting na pagkilos ng KM laban sa rehimen. Sa pagdeklara ng martial law noong 1972, ginawa ni Marcos na ilegal ang KM at pinilit ito na mag-underground. Pinaghuhuli, tinotorture at pinagpapaslang ang mga KM na inaabutan ng kalaban. Sa gayon, karamihan ng mga nasa Bantayog ng Bayani ay mga lider at myembro ng KM. Ang KM naman ay nakatulong nang napakalaki sa pagpapalawak ng CPP, NPA at NDFP sa buong bansa.

(Malaking pasasalamat kay Mon Ramirez sa kanyang mga siniping larawan ng FQS mula sa kanyang pagsasaliksik.)

ITANONG MO KAY PROF: Podcast on FQS Commemoration 2015 (Part 2)

/in , /by

ITANONG MO KAY PROF
Panayam ng Kodao kay Prof. Jose Maria Sison
January 22, 2015

2. Ano po ang kabuluhan nito sa kasaysayan ng pagkilos ng mga kabataan laban sa mapang-api at anti-mamamayang mga patakaran mula kay Marcos hanggang sa kasalukuyan?

JMS: Makabuluhan ang First Quarter Storm ng 1970 sa kasaysayan ng pagkilos ng mga kabataan at sambayanang Pilipino dahil ipinakita ng pagbabalikwas na ito na kaya ng masang tumindig para sa mga pambansa at demokratikong karapatan, magtipon ng lakas at kumilos para labanan ang brutal na rehimeng Marcos. Sa pamamagitan ng FQS, lumakas ang mga organisasyong masa na may katangiang pambansa-demokratiko hindi lamang sa National Capital Region kundi sa buong bansa. Kumalat ang mga protesta sa mga prubinsya.

Ang FQS ng 1970 ay naging inspirasyon ng sambayanang Pilipino sa paglaban sa palubhang pagsasamantala at pang-aapi ng rehimeng Marcos. Sa panahon ng martial law, laging iniisip ng mga tao na dating kaya ng masa na gumawa ng FQS at kung gayon kayang gawin muli ang ganito para ibagsak ang pasistang diktadura. Ang FQS ang historical antecedent ng Edsa uprising at iba pang pag-aalsa na nagpabagsak sa pasistang diktadura. Ipinakita ng FQS kung paano gumawa ng ahitasyon at propaganda at magtipon ng maraming tao sa pamamagitan ng mga martsa at rali.

(Malaking pasasalamat kay Mon Ramirez sa kanyang mga siniping larawan ng FQS mula sa kanyang pagsasaliksik.)

ITANONG MO KAY PROF: Podcast on FQS Commemoration 2015 (Part 1)

/in , /by

ITANONG MO KAY PROF
Panayam ng Kodao kay Prof. Jose Maria Sison
January 22, 2015

1. Ano po ang ibig sabihin ng First Quarter Storm o FQS ng 1970?

JMS:Pumutok ang First Quarter Storm noong Enero 26, 1970 nang sinalakay ng mga pulis ang mga 10,000 demostrador sa harap ng Kongreso nang natapos ang state of the nation address ni Marcos. Sa unang kwarto ng taong 1970, mula Enero hanggang Marso, bumalikwas ang mga kabataan at iba pang mamamayan para labanan ang mga anti-mamamayan, anti-nasyonal at anti-demokratikong patakaran ng rehimeng Marcos at Estados Unidos. Sa bawat linggo, 50,000 hanggang 100,000 ang nagtitipon sa ibat-iang assembly point sa national capital region, sa Bonifacio Monument sa Caloocan, Tondo, Quezon City, Sampaloc, Pasay, Pasig Makati at ibang lugar.

Nagmamartsa ang mga demostrador at dumadagsa sila sa converging point. Daan-daang libong mamamayan sa dinadaanan ng mga martsa ang nagbibibigay suporta sa mga demostrador. Madalas na dumagsa ang mga nagmamartsa sa Plaza Miranda at pagkatapos tumutuloy sa harap ng Kongreso, ng Malakanyang o embahada ng Estados Unidos. Ang Kabataang Makabayan ang tampok na namuno sa kabataan. Kahit na gumagamit ng dahas ang rehimen para guluhin at supilin ang mga marta at rali, lalong lumalakas ang kilos masa at ang propaganda sa pambansang saklaw at sa mga lokalidad.

(Malaking pasasalamat kay Mon Ramirez sa kanyang mga siniping larawan ng FQS mula sa kanyang pagsasaliksik.)

ITANONG MO KAY PROF: Podcast on POW and peace negotiations

/in , /by

ITANONG MO KAY PROP
Panayam ng Kodao kay Prop. Jose Maria Sison
January 20, 2015

1. Ano po ang kahalagahan sa usapang pangkapayapaan ng ginagawang pagpapalaya ng NDFP-Mindanao sa mga POW sa kanilang rehiyon?

JMS: Napakahalaga ang pagpapakita ng NDFP-Mindanao ang humanitarian spirit at kagandahang loob ng kilusang rebolusyonaryo sa pamamagitan ng pagpapalaya ng mga prisoners of war. Ipinahayag ng NDFP-Mindanao na ang pagpapalaya ng mga POW ay goodwill measure para sa resumption ng peace negotiations. Pero hanggang ngayon walang maliwanag kung handa na ba ang rehimeng Aquino para sa usapang pangkapayapaan.

2. Umaasa rin po ba ang NDFP Negotiationg Panel na magpapalaya din ng mga political detainees ang GPH bago ang pag-uusap?

JMS: Syempre, umaasa ang NDFP negotiating panel at buong NDFP na mapalaya ang mga NDFP consultant alinsunod sa JASIG at iba pang political prisoner alinsunod sa CARHRIHL. Hinihiling ito ng mga religious at human rights organization at ng sambayanang Pilipino. Dumating at umalis na ang Papa, wala namang pinalaya na mga political prisoners. Maraming disappointed. Dapat palayain ang mga NDFP consultants at malaking bilang ng mga political prisoners bago magresume ng peace negotiations.

ITANONG MO KAY PROF: Podcast on Mendiola massacre

/in , , /by

Panayam ng Kodao kay Prop. Jose Maria Sison
January 20, 2014

TANONG: Ano po ang inyong mensahe sa patuloy na paggunita ng mga magsasaka at iba pang sektor sa Mendiola masaker ng dekada 80? May kabuluhan pa ba ito sa panahon ngayon?

JMS: Makabuluhan ang patuloy na paggunita ng mga mga magsasaka at iba pang sektor ng sambayanang Pilipino sa Mendiola masaker ng 1987. Ang masaker sa Mendiola at sa Hacienda Luisita ay mga karumal-dumal na krimen ng mga asenderong nasa kapangyarihan. Dapat itulak ang tunay na reporma sa lupa bilang daan sa pagkakamit ng hustisya sosyal, demokrasya at pag-unlad ng ekonomiya kaakibat ng pambansang industriyalisasyon. Dapat walang humpay ang kilusang magbubukid at sambayanang Pilipino sa pagdemanda ng tunay na reporma sa lupa.