Posts

Araw ng Pakikiisa sa mga tsuper na nawalan ng hanapbuhay

/in /by

Sa sama-samang suporta mula sa mga grupo at indibidwal, sa pangunguna ng Bayanihan Alay sa Sambayanan (BALSA), nakapaghatid ng tulong sa mga tsuper na nawalan ng hanapbuhay ngayong Hunyo 27 sa C.P. Garcia Avenue, Diliman, Quezon City.

Panawagan ng mga tsuper na makabalik na sila sa kalsada upang hindi na mamalimos at may ipakain sa kanilang pamilya. Nanawagan din sila laban sa phase out ng mga jeepney na tangi nilang hanapbuhay. (Bidyo ni Jek Alcaraz/Kodao)

Balik-pasada at ayuda, hiling ng mga tsuper

/in /by

Ginanap ngayong araw, Hunyo 27, ang Araw ng Pakikiisa para sa mga Jeepney Driver. Nagkaroon ng magkakahiwalay na pagbibigay ng ayuda sa iba’t ibang pondohan ng mga tsuper sa Metro Manila.

Pangunahing tinulungan ng Bayang Matulungin, isang proyekto ng Bayan Muna at PagAsa, ang mga tsuper sa Project 3, Quezon City, Samson Road, Caloocan City, at Rizal Ave., Manila. Nasa mahigit isang daan ang kanilang natulungan.

Panawagan ng mga tsuper na ibalik na sila sa pamamasada at bigyan ng ayuda ang bawat isa. Lampas 100 araw na ang lockdown, ganun din ang kanilang tigil-pasada. Kasama ang kanilang pamilya sa mga apektado ng kanilang kawalang-trabaho. (Bidyo nila Jo Maline Mamangun, Jola Mamangun, at Reggie Mamangun)