Posts

KODAO ASKS: Ano ang iyong pagtingin sa Anti-Terror Law?

Sinalubong ng nagkakaisang mamamayan ang ika-5 State of the Nation Address o SONA ni Pangulong Rodrigo Duterte sa pamamagitan ng isang protestang may temang “SONAgkaisa.” Ginanap ito noong Lunes, Hulyo 27, sa kahabaan ng University Avenue sa UP Diliman, Quezon City. Dinaluhan ito ng 8,000 katao mula sa iba’t ibang sektor at mga progresibong grupo.

Bitbit ng mga sektor ang kani-kanilang mga panawagan at hinaing sa apat na taon na panunungkulan ng pangulo. Pinakatampok sa mga ito ang panawagang ibasura ang kontrobersyal na Anti-Terrorism Act of 2020 o Anti-Terrorism Law.

Hiningan ng Kodao Productions ang ilan sa mga dumalo ng kanilang pagtingin hinggil sa pagkakapasa ng nasabing batas. (Bidyo nina Jo Maline Mamangun, Jola Mamangun, Joseph Cuevas, at Arrem Alcaraz)

Pahayag ng isang manunulat at direktor hinggil sa Anti-Terrorism Act

Inihahalintulad ni Bonifacio Ilagan, isang manunulat at direktor, ang kanyang mga naging karanasan noong panahon ng Martial Law sa maaaring mangyari ngayong naipasa na ang Anti-Terrorism Act.

Pinirmahan ng pangulo ang nasabing batas noong Hulyo 3. Limang araw na lamang ang nalalabi bago ito tuluyang ma-implementa.