Posts

ITANONG MO KAY PROF: Podcast on FQS Commemoration 2015 (Part 3)

/in , /by

ITANONG MO KAY PROF
Panayam ng Kodao kay Prof. Jose Maria Sison
January 22, 2015

3. Bakit po naging iligal ang Kabataang Makabayan o KM?

JMS: Magmula pa FQS ng 1970 galit na galit na si Marcos sa Kabataang Makabayan. Alam niyang matatag at militanteng kalaban niya ito. Alam niya ring ang KM ang pasimuno sa mga protesta sa buong bansa. Nang sinuspindi ni Marcos ang writ of habeas corpus noong 1971 pinag-aaresto niya ang ilang lider ng Kabataang Makabayan at gusto niyang sindakin ang buong KM at sambayanang Pilipino. Pero patuloy pa rin ang magiting na pagkilos ng KM laban sa rehimen. Sa pagdeklara ng martial law noong 1972, ginawa ni Marcos na ilegal ang KM at pinilit ito na mag-underground. Pinaghuhuli, tinotorture at pinagpapaslang ang mga KM na inaabutan ng kalaban. Sa gayon, karamihan ng mga nasa Bantayog ng Bayani ay mga lider at myembro ng KM. Ang KM naman ay nakatulong nang napakalaki sa pagpapalawak ng CPP, NPA at NDFP sa buong bansa.

(Malaking pasasalamat kay Mon Ramirez sa kanyang mga siniping larawan ng FQS mula sa kanyang pagsasaliksik.)

“Detention and Defiance Against Dictatorship”

/in /by

Ipinakilala sa publiko ang bagong libro ni Prof. Jose Maria Sison na may pamagat na Detention and Defiance against Dictatorship na ginanap sa University of the Philippines-Diliman. Dumalo ang marami sa mga kabataan na galing sa iba’t ibang pamantasan at komunidad. Ito ay bahagi rin ng pagdiriwang ng ika-50 taong anibersaryo ng Kabataang Makabayan (KM). Marami sa mga aktibista noong dekada ’70 ang dumalo sa pagtitipon kagaya nina Dr. Carol Aurollo, Rey Casambre, Daning Ramos, Vicente Ladlad at marami pang iba. Si Luis Jalandoni, Chairperson NDFP Peace Panel, ang isa sa pangunahing tagapagsalita sa okasyon.

Ang Aklat ng Bayan, Anakbayan at Bayan ang nangasiwa sa pagtitipon.

UP Diliman, Quezon City\
December 15, 2014

Libro ni Prof. Jose Maria Sison, inilunsad

/in /by

Inilunsad kaninang tanghali ang libro ni Prof. Jose Maria Sison na Detention and Defiance Against Dictatorship sa Isabelo Delos Reyes Auditorium, Solair, University of the Philippines sa Diliman. Ang aktibidad ay pinangunahan ng Anakbayan, Bagong Alyansang Makabayan at Aklat ng Bayan na dinaluhan ng maraming kabataan mula sa iba’t ibang pamantasan at komunidad. Ito ay bahagi ng pagdiriwang ng ika-50 taong anibersaryo ng Kabataang Makabayan. Naging pangunahing tagapagsalita si Luis Jalandoni, Tagapangulo ng National Democratic Front of the Philippines (NDFP) Negotiating Panel.

Quezon City, Philippines
December 15, 2014