‘Para kanino ang pagpapasara sa ABS-CBN?’

Ito ang tanong ng mga lumahok sa isinagawang motorcade at rali noong Lunes, Hulyo 6, ng mga nananawagan sa bagong prangkisa ng ABS-CBN.

Sa huling araw ng pagdinig ng Kongreso sa mga petisyon para sa pagpapatuloy na operasyon ng kumpanya, nagpunta ang mga empleyado at kanilang mga taga-suporta sa Kamara de Representante upang manawagan na huwag tuluyang isara ito.

Sa pangunguna ng National Union of Journalists of the Philippines, nagdaos ng programa sa kahabaan ng Batasan Avenue ang Bagong Alyansang Makabayan, Makabayan Bloc, SENTRO, Kilusang Mayo Uno, Photojournalism Center of the Philippines, Free the Artist Movement, National Association of Broadcast Unions, at mga unyon ng manggagawa ng ABS-CBN, IBC-13 at GMA-7.